નડિયાદવાસીઓ હવે ગમે તે સમયે ઓનલાઇન ટેક્સ ચુકવી શકશે, આ બેંકે રજૂ કરી સેવા, જાણો વિગત

એચડીએફસી બેન્કનાં ગુજરાત ઝોનલ હેડ પર્લ સાબાવાલના જણાવ્યા અનુસાર ‘નડિયાદ નગરપાલિકાનું પ્રોપર્ટી ટેક્સ અંગેની પેમેન્ટ મિકેનિઝમમાં આ ક્રાંતિકારી પગલું છે. અમે અમારી વૈવિધ્યપૂર્ણ ડિજીટલ ઓફરિંગ્સ સાથે ઝડપી, વ્યસ્તતાપૂર્ણ જીવન વચ્ચે સુગમતાપૂર્ણ જરૂરિયાતો સાથે બેન્કિંગ કરવા પ્રતિબધ્ધ છીએ.’

નડિયાદઃ દેશમાં દિન પ્રતિદિન ડિજિટલ બેન્કિંગ વધી રહ્યું છે. આ દિશામાં એચડીએફસી બેન્કે નડિયાદ નગરપાલિકા સાથે મળી શહેરનાં નાગરિકો માટે ઓનલાઈન પેમેન્ટ ગેટવેની શરૂઆત કરી છે. જેના કારણે હવે નડિયાદનાં નિવાસીઓ ગમે તે સ્થળેથી તેમના ડેબિટ કાર્ડ, ક્રેડિટ કાર્ડ કે નેટબેન્કીંગ સુવિધા મારફતે પ્રોપર્ટી ટેક્સની ચુકવણી કરી શકશે.