થર્ટી ફર્સ્ટે દારૂ પીને પકડાયા તો અમદાવાદ પોલીસ દારૂડિયાઓના કરશે આવા હાલ, જાણો વિગતે

થર્ટી ફર્સ્ટની ઉજવણીમાં દારૂની દૂષણ ખૂબ વ્યાપક પ્રમાણમાં ઘૂસી ગયું છે. હવે, તો કોઈ છોછ અને સામાજિક પ્રતિષ્ઠાનો વિચાર કર્યા વિના કેટલાક પ્રતિષ્ઠિત લોકોના ઘરોમાં જ દારૂની પાર્ટીઓ યોજાતી થઈ ગઈ છે. ત્યારે પોલીસ માટે આવા લોકોને પકડવા એક પડકાર બની રહેશે તેમાં કોઈ બેમત નથી.

ઉલ્લેખનીય છે કે, સુરત પોલીસે તો દારૂડિયાઓને પકડવા એક નવતર પ્રયોગ શરૂ કર્યો છે. સુરત રેન્જ આઈજી જી એસ મલિકે જાહેરાત કરી છે કે, દક્ષિણ ગુજરાતમાં જો કોઈ પોલીસ જવાન કોઈ વ્યક્તિને દારૂ પીને વાહન ચલાવતો પકડશે તો તેને અલગથી 100 રૂપિયા ઈનામ આપવામાં આવશે. ન્યૂ યર પાર્ટીઓ શરૂ થયા તે પહેલા જ આ જાહેરાત કરવામાં આવી છે.

જિગ્નેશે તેના સમર્થકો સાથે દારૂના અડ્ડાઓ બંધ કરાવવાની માગ સાથે અમદાવાદના ગોમતીપુરમાં પોલીસ મથકનો ઘેરાવ અને વાડજમાં દેખાવો કર્યા હતા. જોકે, એ વાત અલગ છે કે, જિગ્નેશના આંદોલન બાદ પોલીસે ખાસ ટૂકડીઓ બનાવી કરેલી રેડમાં નામ માત્રના કેસ થયા છે. તો પણ ગુજરાતમાં દારૂની રેલમછેલ થાય છે, એ જાણતી પોલીસે ખાસ કરીને અમદાવાદમાં થર્ટી ફર્સ્ટે દારૂની મહેફિલો માણનારાઓને પકડવા વિશેષ તૈયારીઓ કરી છે.

ગુજરાતમાં ચૂંટણી પહેલા ઓબીસી નેતા અલ્પેશ ઠાકુરે દારૂના અડ્ડાઓ પર જનતા રેડ કરી સરકાર અને પોલીસની પોલ ખોલી હતી. તો ચૂંટણી પછી વડગામના ધારાસભ્ય જિગ્નેશ મેવાણીએ ગુજરાતમાં બેરોકટોક વેચાતા દારૂ સામે આંદોલન છેડી સરકાર અને પોલીસની ઊંઘ ઉડાડી દીધી છે.

અમદાવાદ: ગુજરાતમાં દારૂબંધી હોવા છતાં જોઈએ તેટલો દારૂ મળે છે. સરકાર ગમે તેટલા કડક કાયદા બનાવે પરંતુ પીવાના શોખીનો તેમની વ્યવસ્થા કરી જ લે છે. ત્યારે દર વર્ષની જેમ આ વખતે પણ થર્ટી ફર્સ્ટની ઉજવણીમાં દારૂ પીનારાઓને ઝબ્બે કરવા પોલીસે ખાસ તૈયારીઓ કરી લીધી છે. જેના ભાગ રૂપે પોલીસે ખાસ ‘દારૂ પીધેલાઓને પકડવાની વાન’ અમદાવાદના વિવિધ વિસ્તારોમાં તૈનાત કરી દીધી છે.