આફ્રિકાના પ્રિટોરીયામાં લૂંટના ઈરાદે નિગ્રો ગેંગે 2 ગુજરાતીઓ પર કર્યું ફાયરિંગ, જાણો કેવી રીતે બની ઘટના

ઇરફાનભાઇના પરિવારને બંધક બનાવી લૂંટારૂઓ કિમંતી ચીજવસ્તુઓની લૂંટ ચલાવી ફરાર થઇ ગયાં હતાં. ઇજાગ્રસ્ત ઇરફાનને સારવાર માટે દવાખાને ખસેડાયો હતો પરંતુ મંગળવારે બપોરે તેમણે દમ તોડી દીધો હતો. ઘટનાને પગલે ભરૂચ જિલ્લામાં વસતા મુસ્લિમ સમાજમાં ઘેરા શોકની લાગણી છવાઇ હતી. બંનેના નિવાસે લોકો એકત્ર થઇ ગયાં હતાં.

ગત રાત્રિના સમયે ઇરફાનના નિવાસે ત્રાટકેલા નિગ્રો લૂંટારૂઓએ ઘરનો દરવાજો ખખડાવ્યો હતો અને ઈરફાનભાઇ બહાર આવતાં જ તેમની પર બે રાઉન્ડ ફાયરિંગ કર્યું હતું. બનેવીના અવાજ આવતાં સોહેલ તેના ઘરમાંથી બહાર આવી રહ્યો હતો ત્યારે લુંટારૂઓએ દાદર પર જ તેના પર ચાર રાઉન્ડ ફાયરીંગ કરતાં તે ઢળી પડ્યો હતો.