દિલ્હીની એક રેસ્ટોરન્ટમાં કૉંગ્રેસ અધ્યક્ષ રાહુલ ગાંધીએ વિદ્યાર્થીઓ સાથે કરી 'ડિનર પે ચર્ચા', જુઓ તસવીરો

લોકસભા ચૂંટણી પહેલા લોકો સુધી પહોંચવા માટે કૉંગ્રેસની સોશિયલ મીડિયા ટીમે નવું કેમ્પેઈન લોન્ચ કર્યું છેઃ અપની બાત, રાહુલ કે સાથે. જેને લઈને દિલ્હીની લોધી કોલોનીના એક રેસ્ટોરન્ટમાં આ મુલાકાત યોજાઈ હતી.

નવી દિલ્હી: કોંગ્રેસ અધ્યક્ષ રાહુલ ગાંધી સંસદની કાર્યવાહીની સમાપ્તિ બાદ દિલ્હીમાં એક રેસ્ટોરન્ટમાં વિદ્યાર્થીઓ સાથે ચર્ચા કરવા માટે પહોંચ્યા હતા. રાહુલ ગાંધીએ વિદ્યાર્થીઓ સાથે મસાલા ઢોંસા અને કોફીની મજા માણી હતી. આ દરમિયાન રાહુલ ગાંધીએ વિદ્યાર્થીઓ સાથે ચર્ચા વિચારણા કરી હતી. આ કાર્યક્રમમાં રાહુલ મોડા પડતા તેમણે વિદ્યાર્થીઓની માફી માંગી હતી.

રાહુલ ગાંધીએ રેસ્ટોરન્ટમાં હાજર દરેક વિદ્યાર્થીની જાણકારી લીધી હતી. સિક્યૂરિટી વગર સામાન્ય માણસની જેમ પહોંચેલા રાહુલ ગાંધીને જોઈને રેસ્ટોરન્ટનો સ્ટાફ પણ એક તબક્કે આશ્ચર્યમાં મુકાઈ ગયો હતો.