45 હજાર કરોડના દેવાદાર અંબાણીને રાફેલ ડીલ કેવી રીતે મળી ? રાહુલ ગાંધીનો PMને સવાલ

રામલીલા મેદાનમાં કોંગ્રેસ કાર્યકર્તાઓને સંબોધન કરતાં રાહુલ ગાંધીએ કહ્યું, પીએમ મોદીએ રાફેલ ખરીદીના સોદાનો કોન્ટ્રાક્ટ માત્ર સાત દિવસ પહેલાં જ બનેલી અનિલ અંબાણીની કંપનીને આપ્યો. અંબાણીએ તેની જિંદગીમાં એક પણ હવાઇ જહાજન નથી બનાવ્યું પરંતુ તેમની એકમાત્ર યોગ્યતા તે મોદીના મિત્ર છે. જેના કારણે તેમને ફાયદો પહોંચાડવા આ કોન્ટ્રાક્ટ આપવામાં આવ્યો છે. જે બાદ રાહુલે મોદીને સવાલ કર્યો કે આખરે 45,000 કરોડ રૂપિયાના દેવાદાર અનિલ અંબાણીની કંપનીને રાફેલનો કોન્ટ્રાક્ટ કેવી રીતે આપવામાં આવ્યો ?

દેશમાં દલિતો, આદિવાસીઓ અને લઘુમતીઓની હત્યા થઈ રહી છે પરંતુ વડાપ્રધાનનાં મોં માંથી એક શબ્દ નથી નીકળતો. ગેંગરેપ થાય છે પરંતુ દેશના વડાપ્રધાન એક શબ્દ નથી બોલતા. બીજેપીના લોકો ગભરાઈ ગયા છે અને જલ્દી ચૂંટણી કરાવવા માંગે છે. સભા દરમિયાન રાહુલ સ્થાનિક મુદ્દાને ભૂલી ગયા અને માત્ર વડાપ્રધાન મોદી પર જ પ્રહાર કરતાં રહ્યા.