ગ્રેટર નોઈડામાં મોટી દુર્ઘટનાઃ બે બિલ્ડિંગ ધરાશાયી, 2ના મોત, 30-35 કાટમાળમાં દબાયા

જણાવાઈ રહ્યું છે કે, આ જમીન પર કોલોનાઈઝરએ ગેરકાયદે બિલ્ડિંગનું બાંધકામ કર્યું હતું. તેમાં સેફ્ટી નિયમોનું ધ્યાન રાખવામાં આવ્યું ન હતું. નબળા માલસામાનનો ઉપયોગ કરવામાં આવ્યો છે અને માપદંડોનું ઉલ્લંઘન કરવામાં આવ્યું. મંગળવારે રાત્રે આ બિલ્ડિંગ કકડભૂસ થઈ ગઈ. એ સમયે બિલ્ડિંગમાં ઘણા મજૂરો હાજર હતા. ઘટના બાદ અહીં નાસભાગ મચી ગઈ. આસપાસના લોકો પણ અહીં દોડી આવ્યા હતા. જણાવાઈ રહ્યું છે કે, કાટમાળમાં ઘણા લોકો દબાયેલા છે. તેમાંથી ઘણા લોકોની આશંકા પણ વ્યક્ત કરવામાં આવી રહી છે.

અહીં ખેડૂતો પાસેથી જમીન લઈને ઊંચી-ઊંચી બિલ્ડિંગો બનાવી દેવાઈ છે. તેના પર ફ્લેટ બનાવી લોકોને વેચવામાં આવી રહી છે. લોકોએ જણાવ્યું કે, આ જમીન ગ્રેટર નોઈડાના સેક્ટર 4માં છે.