પરેશ રાવલે કોંગ્રેસ અંગે ટ્વિટ કર્યા પછી કેમ માગવી પડી માફી ?

પરેશ રાવલે ટ્વિટ કર્યું- અમારો ચા વાળો તમારા ઘરવાળાથી સારો છે, પરેશ રાવલે આ ટ્વિટ મોડી સાંજે કર્યું હતું, જ્યારે આ ટ્વિટ પર નેગેટિવ રિએક્શન આવવા લાગ્યા ત્યારે બીજેપી સાંસદે પોતાની ટ્વિટ ડિલીટ કરી દીધી હતી.

પરેશ રાવલે ટ્વિટ ડિલીટ કરતા લખ્યું- ટ્વિટને ડિલીટ કરી દીધી છે, કારણ કે તે ખરાબ હતી. હું તમારી ભાવનાઓને ઠેસ પહોંચી તેના માટે માફી માંગું છું.

નવી દિલ્લી: ગુજરાત ચૂંટણી પહેલા કોંગ્રેસ અને બીજેપીમાં સોશિયલ મીડિયા પર લડાઈ શરૂ થઈ ગઈ છે. જેને લઈને મંગળવારે યૂથ કોંગ્રેસના મેગેઝીન યુવા દેશના એક ટ્વિટને લઈને વિવાદ થયો હતો. આ ટ્વિટમાં પીએમ મોદીને ચા વેચવાને લઈને નિશાન સાધવામાં આવ્યું છે. આ ટ્વિટ પછી બીજેપી સાંસદ અને અભિનેતા પરેશ રાવલે પણ એક ટ્વિટ કર્યું છે, જેને લઈને ટ્વિટર યૂઝરોએ જોરદાર ટ્રોલ કર્યું છે.

યુવા દેશના નામે ચાલતા ટ્વિટર હેન્ડલથી એક ફોટો શેયર કર્યો હતો. આ ફોટામાં પીએમ નરેન્દ્ર મોદીની સાથે અમેરિકાના રાષ્ટ્રપતિ ડોનાલ્ડ્ર ટ્રંપ અને બ્રિટેનના પ્રધાનમંત્રી થેરેસા નજરે પડી રહ્યા છે. તેમાં પીએમ મોદીને ચા વેચવા પર નિશાને બનાવવામાં આવ્યા છે.