68મા ગણતંત્ર દિવસે ઈન્ડિયા ગેટ પર જોવા મળી ગુજરાતની ઝલક, સૈન્ય શક્તિનું પ્રદર્શન

નવી દિલ્લી: દેશ આજે 68મો ગણતંત્ર દિવસ મનાવી રહ્યો છે. પ્રધાનમંત્રી અમર જવાન જ્યોતિ પહોંચ્યા અને એમણે શહીદોને શ્રદ્ધાંજલિ આપી. તેમણે વિઝિટર્સ બુક પર પોતાનો સંદેશ લખ્યો છે.

સંયુક્ત અારબ અમીરાતની આર્મીના જવાનોએ પણ ભારતીય આર્મી સાથે પરેડમાં ભાગ લીધો હતો. આ અવસર પર ઉપરાષ્ટ્રપતિ હામિદ અંસારી, સંરક્ષણ મંત્રી મનોહર પાર્રિકર, અમિત શાહ વગેરે જેવા અનેક મહાનુભાવો ઉપસ્થિત રહ્યા હતા.

વડાપ્રધાન નરેન્દ્ર મોદી આ અંગે મુખ્ય અતિથિ સાથે ચર્ચા કરતા જણાયા હતા. ભારતીય આર્મીએ પોતાની અત્યા આધુનિક મિસાઈલો, વિમાનોનું પ્રદર્શન કર્યું હતું. આ વર્ષે પ્રથમ વખત એનએસજી કમાન્ડોએ રાષ્ટ્રપતિને સલામી આપી હતી.

ગુજરાતનું ટેબ્લુ પસાર થયું ભાજપના રાષ્ટ્રીય અધ્યક્ષ અમિત શાહના પત્ની ગુજરાતનો ટેબ્લુ પસાર થતાં ઊભા થઈ ગયા હતા. જ્યારે અમિત શાહના ચહેરા પર સ્મિત અને ખુશી હતી.

રાષ્ટ્રપતિ પ્રણવ મુખર્જી ચીફ ગેસ્ટ અબૂ ધાબીના ક્રાઉન પ્રિન્સ મોહમ્મદ બિન જાયદની સાથે રાજપથ પહોંચી ગયા છે. પ્રધાનમંત્રી નરેન્દ્ર મોદીએ ટ્વિટ કરીને દેશના લોકોને 68માં ગણતંત્ર દિવસની શુભેચ્છા પાઠવી છે.