J&K: ત્રાલમાં ટોપ હિઝબુલ કમાન્ડર સબઝર બટ ઠાર, બુહરાન બાદ સંભાળી હતી કમાન

શ્રીનગરઃ ભારતીય સેનાએ જમ્મુ-કાશ્મીરના ત્રાલ વિસ્તરામાં હિઝબુલના ટોપ કમાન્ડર સબઝર અહમદ બટ અને અન્ય એક આતંકવાદીને ઠાર કર્યા છે. આ પહેલા ઉરી સેક્ટરમાં ઘૂસણખોરીનો પ્રયત્ન કરી રહેલા 6 આતંકવાદીઓને સેનાએ ઠાર માર્યા છે. હાલમાં સેનાનું સર્ચ ઓપરેશન જારી છે. આ પહેલા શુક્રવારે સેનાએ કશ્મીરના ઉરીમાં જ નિયંત્રણ રેખા પાસે પાકિસ્તાની બોર્ડર એક્શન ટીમ એટલે કે બેટના બે હુમલાખોર આતંકવાદીનો ઠાર માર્યા હતા. શનિવારે સેનાએ કુલ 8 આતંકવાદીઓને ઠાર કર્યા છે.

ગુપ્તચર એજન્સીના સૂત્રોના જણાવ્યા મુજબ, એલઓસી પર પાકિસ્તાન આવા હુમલાની ફિરાકમાં જ છે. PoKમાં આવા 4-5 આતંકી કેમ્પ સક્રિય છે. આ કેમ્પોમાં પાક સેનાની સ્પેશિયલ સર્વિસ ગ્રુપ (એસએસજી)એ ગત મહિને બેટ ટીમને ટ્રેનિંગ આપી હતી.

કાશ્મીરના ઉરી સેક્ટરમાં પેટ્રોલિંગ કરી રહેલી ભારતીય સેના પર શુક્રવાર પાકિસ્તાનની બોર્ડર એક્શન ટીમ (BAT)એ હુમલો કર્યો હતો. ભારતીય સેનાએ વળતી કાર્યવાહી કરીને પાકના 2 જવાનોને ઠાર કર્યા હતા. આ લોકો ભારતમાં ઘૂસણખોરી કરવાની ફિરાકમાં હતા. ઠાર કરાયેલા પાકના જવાનો પાસેથી એક AK 47 રાઇફલ, એક પિસ્ટલ અને હથિયારો મળી આવ્યા હતા.