કેરળમાં કુદરતનો કહેર, 324નાં મોત, PM મોદી જશે કેરળ

ટ્રેન અને માર્ગ પરિવહન સેવાઓ ઠપ થઇ ગઇ છે. માર્ગ અને ઇમારતોમાં પણ પાણી ભરાઇ ગયાં છે. માર્ગો પર પાણી એટલું ભરાઇ ગયું છે કે લોકોને બહાર નીકાળવા માટે હોડીનો પણ ઉપયોગ કરવામાં આવી રહ્યો છે.

મૂશળધાર વરસાદ અને પૂરને લઇને કોચ્ચિ એરપોર્ટમાં પણ પાણી ભરાઇ ગયાં છે. પાણી ભરાવાને કારણે શનિવાર સુધી એરપોર્ટ બંધ રાખવાનો નિર્ણય કરવામાં આવ્યો છે.

કેરળ સરકારે પૂરગ્રસ્ત પીડીતોની મદદને માટે લોકોને દાન આપવાની અપીલ કરી છે. donation.cmdrf.kerala.gov.in પર જઈને કોઈપણ પૂરગ્રસ્ત પીડિતોની મદદ કરી શકે છે.

શુક્રવારનાં રોજ દિલ્હીનાં મુખ્યમંત્રી અરવિંદ કેજરીવાલ અને પંજાબનાં મુખ્યમંત્રી કેપ્ટન અમરિંદર સિંહે કેરળને 10-10 કરોડ રૂપિયાની મદદ આપવાની જાહેરાત પણ કરી છે.

કેન્દ્રીય ગૃહમંત્રી રાજનાથ સિંહ બાદ પ્રધાનમંત્રી નરેન્દ્ર મોદી પણ કેરળની મુલાકાત કરશે. શુક્રવારનાં આજનાં રોજ પૂર્વ પ્રધાનમંત્રી અટલ બિહારી વાજપેયીનાં અંતિમ સંસ્કાર બાદ તેઓ કેરળ જશે. ત્યાર બાદ શનિવારનાં રોજ PM મોદી પૂરગ્રસ્ત ક્ષેત્રોનું હવાઇ સર્વેક્ષણ કરશે. PM મોદીએ ટ્વિટ કરીને કહ્યું કે, કેરળમાં હાલતની સ્થિતિનો તાગ મેળવવા માટે તેઓ રવાના થઇ રહ્યાં છે.

તિરુવનંતપુરમઃ કેરળમાં વરસાદ અને પૂરથી અત્યાર સુધીમાં 324 લોકોના મોત થયા છે ત્યારે કેરળની સ્થિતિનું નિરીક્ષણ કરવા માટે વડાપ્રધાન મોદી આજે કેરળ જશે. કેરળમાં ભારે વરસાદને 100 વર્ષનો રેકોર્ડ તોડ્યો છે. કેરળના અનેક વિસ્તારો જળમગ્ન થઈ ગયા છે. ભારે વરસાદને પગલે 80 જેટલા ડેમના દરવાજા ખોલવામાં આવ્યા છે.

કેરળમાં ભારે વરસાદને પગલે 324 લોકોનાં મોત થયા છે અને બે લાખ 23 હજાર 139 લોકો બેઘર થઇ ગયાં છે. આ લોકો 1500થી વધારે રાહત કેમ્પોમાં આસરો લીધો છે. કેરળ CMO તરફથી આની વિશેષ જાણકારી આપવામાં આવી છે.