અવિશ્વાસની દરખાસ્તના કારણે નરેન્દ્ર મોદીની સરકાર ક્યા સંજોગોમાં હારીને ઘરભેગી થઈ શકે? જાણો રસપ્રદ વિગત

ભાજપ સિવાયના બધા પક્ષો એક થઈ જઈને અવિશ્વાસની દરખાસ્તની તરફેણમાં મતદાન કરે અને સામે મતદાન વખતે ભાજપના અગિયાર કે વધારે સાંસદો ગેરહાજર રહે તો ભાજપની સરકાર ઘરભેગી થાય. આ પક્ષોમાં શિવસેનાને જેડીયુ જેવા ભાજપના સાથી પક્ષો પણ આવી ગયા.

શિવસેના સતત ભાજપની સામે બોલ્યા કરે છે પણ તેણે અવિશ્વાસની દરખાસ્તમાં રસ બતાવ્યો નથી. ઉધ્ધવ ઠાકરેએ અવિશ્વાસની દરખાસ્તના આ મામલે ટીડીપીના નેતાઓને મળવા માટે પણ ઘસીને ના પાડી દીધેલી. આ વલણ જોતાં શિવસેના ભાજપની પડખે રહેશે તેમાં શંકા નથી. આ સ્થિતીમાં ભાજપની સરકાર પડે એ શક્ય નથી.