બાળકો અને પત્ની સાથે કેનેડાના PM તાજમહેલ જોવા પહોંચ્યા, જુઓ તસવીરો

વિઝિટર્સ બુકમાં તેમણે લખ્યું, વિશ્વના સૌથી સુંદર સ્થળોમાંથી એકના શાનદાર પ્રવાસ માટે આભાર.

જસ્ટિનની સાથે તેમના પત્ની સોફી ગ્રેગોઈર અને 3 બાળકો ઝેવિયર, ઈલા-ગ્રેસ અને હૈડ્રી પણ હતા.

રાજકીય વ્યસ્તતાને કારણે મુખ્યમંત્રી યોગી આદિત્યનાથ અહીં નહોતા જઈ શક્યા. આગ્રાના DM ગૌરવ દયાળ અને કમિશ્નર કે.રામમોહન રાવ કેનેડાના PM માટે હાજર રહ્યા હતા.

કેનેડાના પ્રધાનમંત્રી પોતાના ભારત પ્રવાસ દરમિયાન અમદાવાદ, મુંબઈ અને અમ-તસરની પણ મુલાકાત લેશે. અધિકારીઓએ જણાવ્યું કે તેમનો ગુજરાત પ્રવાસ કેનેડાના કોઈ પ્રધાનમંત્રીનો પ્રથમ ગુજરાત પ્રવાસ હશે.

VIP મૂવમેન્ટને કારણે તાજમહેલમાં સામાન્ય લોકો માટે એન્ટ્રી સવારે 9:40થી 11:40 સુધી બંધ રાખવામાં આવી હતી. આ દરમિયાન ટ્રાફિક મૂવમેન્ટ પણ ડાયવર્ટ કરવામાં આવી હતી.

આગ્રા: ભારત પ્રવાસ પર આવેલા કેનેડાના વડાપ્રધાન જસ્ટિન ટ્રૂડોએ રવિવારે આગ્રાના વિશ્વ પ્રસિદ્ધ તાજમહેલની મુલાકાત લીધી હતી. જસ્ટિન ટ્રૂડો અહીં પોતાના પરિવાર સાથે પહોંચ્યા હતા. કેનેડાના PM એ અહિં પત્ની અને બાળકો સાથે તસવીરો પડાવી હતી. જો કે ઉત્તરપ્રદેશના મુખ્યમંત્રી યોગી આદિત્યનાથ તેમના સ્વાગત માટે નહોતા પહોંચ્યા.