રાજ્યસભામાંથી નિવૃત્ત થતાં સાંસદોને મોદીએ કર્યું સંબોધન, કહ્યું- ગૃહના દરવાજા બંધ થયા, મારા કાર્યાલયના નહીં

વડાપ્રધાને એમ પણ કહ્યું કે, આ ગૃહનો દરવાજો તમારા માટે બંધ થયો છે પરંતુ વડાપ્રધાન ઓફિસનો દરવાજો તમારા માટે ખુલ્લો છે. તમે જ્યાં પણ રહેશો તમારા વિચારોથી યોગદાન આપશો.

પીએમે કહ્યું કે, દિલીપ ટર્કી અને સચિન તેંડુલકરનો લાભ આપણને આગામી દિવસોમાં નહીં મળી શકે. આ બંને પર ભારતને ગર્વ છે. ઉપસભાપતિ પીજે કુરિયનને અભિનંદન આપતાં કહ્યું કે તમારું હાસ્ય આ ગૃહ મિસ કરશે.

નવી દિલ્હીઃ રાજ્યસભામાંથી સેવાનિવૃત્ત થઈ રહેલા 40 સાંસદોની વિદાયના મોકા પર પીએમ મોદીએ ભાષણ આપતાં સૌથી પહેલાં સાંસદોને તેમની ઉત્તમ સેવાઓ અને યોગદાન માટે અભિનંદન આપ્યા હતા. તેમણે કહ્યું કે, આ ગૃહ વરિષ્ઠ મહાનુભાવોનું છે. તેમનો અનુભવ જ ગૃહને સારું બનાવે છે.

મોદીએ કહ્યું કે, ગૃહનું એક મહત્વ હોય છે અને તમે બધાએ આ ભૂમિકા બખૂબી નિભાવી છે. દેશ ઉજ્જવળ ભવિષ્યમાં દરેક સાંસદનું યોગદાન છે. સંસદમાં હંગામાના કારણે વિદાય પહેલા તમે લોકો બોલી ન શક્યા તે માટે આપણે બધા જવાબદાર છીએ. ત્રણ તલાકનું મહત્વપૂર્ણ બિલ થવાની પ્રક્રિયાનો હિસ્સો તમે નહીં હોવ તેનો રંજ રહેશે.