રાજસ્થાન ચૂંટણી પરિણામઃ કોંગ્રેસમાં જશ્નની તૈયારી, પાર્ટીએ આપ્યો 200 કિલો લાડુનો ઓર્ડર

બંને નેતા જયપુરમાં તેમના નિવાસ સ્થાન પર હાજર રહેશે અને 11 વાગ્યા બાદ જ બહાર નીકળશે. જોકે ભાજપમાં કોઈ તૈયારી કરવામાં આવી નથી પરંતુ મુખ્યમંત્રી વસુંધરા રાજે મંગળવારે સવારે બાંસવાડા જિલ્લાના ત્રિપુરા સુંદરી મંદિરમાં દર્શન કરવા જશે અને પરિણામોનું વલણ સ્પષ્ટ થયા બાદ જયપુર આવશે.

જયપુરઃ રાજસ્થાનમાં મતગણતરી પહેલા કોંગ્રેસે જશ્નની તૈયારી શરૂ કરી દીધી છે. રાજસ્થાન પ્રદેશ કોંગ્રેસ તરફથી મોટી સંખ્યામાં મીઠાઈ, ફટાકડા અને અબીલ-ગુલાલનો ઓર્ડર આપી દેવામાં આવ્યો છે. કોંગ્રેસના તમામ કાર્યકર્તા મંગળવારે સવારે 7.00 વાગ્યાથી પાર્ટી ઓફિસે એકઠાં થવા લાગશે.