1993 મુંબઈ બ્લાસ્ટ કેસ: ટાડા કોર્ટમાં સુનાવણી આજે, સલેમ સહિત 7 દોષીઓને આજે થઇ શકે છે સજા

2015માં ટાડા કોર્ટની સામે સલેમે પોતાના નિવેદનમાં આ વાતનો ઇનકાર કર્યો હતો કે તેણે સંજય દત્તને હથિયાર આપ્યા હતા. સલેમે આઇપીસીની કલમ 313 હેઠળ કોર્ટમાં પોતાનું નિવેદન નોંધાવ્યું હતું. તે હેઠળ આરોપી દ્વારા કોઇપણ પરિસ્થિતિને વ્યક્તિગત રીતે બતાવવાની જોગવાઇ છે. 30 જૂલાઇ, 2015ના રોજ મુંબઈ બ્લાસ્ટ્ના એક કેસમાં યાકુબ મેમણને ફાંસી થઇ હતી. આ બ્લાસ્ટ્સમાં મુખ્ય આરોપી દાઉદ ઇબ્રાહિમની ધરપકડ થઇ શકી નથી.

સલેમ ઉપરાંત, જે 6 દોષીઓને સજા સંભળાવવામાં આવશે, તેમાં મુસ્તા દૌસા, ફિરોઝ ખાન, તાહિર મર્ચંટ, રિયાઝ સિદ્દિકી, કરીમુલ્લા શેખ અને અબ્દુલ કયૂમનું નામ સામેલ છે. સલેમ સહિત અન્ય પર આરોપ છે કે તેમણે 1993 મુંબઈ બોમ્બ બ્લાસ્ટની પહેલા સંજય દત્તના ઘરે જઇને બે એકે-47 રાયફલ્સ અને હાથગોળા આપ્યા હતા. સંજયને એક એકે-47 રાયફલ રાખવા માટે દોષી ઠેરવવામાં આવ્યો હતો અને 5 વર્ષની જેલની સજા કરવામાં આવી હતી.