મોદી સરકારને આ ટોચના પ્રધાને 3 રાજ્યોની હાર માટે અમિત શાહને જવાબદાર ગણાવીને માંડ્યો મોરચો, જાણો શું કહ્યું?

ગડકરીએ જાહેરમાં અમિત શાહ અને મોદી સામે મોરચો માંડ્યો છે. નિતિન ગડકરીએ આ રાજ્યોમાં ભાજપની હાર માટે પક્ષના ટોચના નેતાને જવાબદાર ઠેરવ્યા છે. તેમણે જણાવ્યું કે જો વિધાનસભા કે કોઇ પણ ચૂંટણીમાં સાંસદો અને ધારાસભ્યો સારો દેખાવ ન કરી શકે તો તેના માટે પક્ષ પ્રમુખ જ જવાબદાર ગણાય છે.

તેમણે જણાવ્યું હતું કે, હું પક્ષ પ્રમુખ હોઉ અને આ દરમિયાન મારા પક્ષના ધારાસભ્યો અને સાંસદો નિષ્ફળ રહે તો તેના માટે કોણ જવાબદાર? હું જ તો જવાબદાર ગણાઉ. પ્રમુખે હારની પણ જવાબદારી લેવી જોઇએ. ગડકરીના આ નિવેદનના કારણે ભાજપમાં ખળભળાટ મચ્યો છે.

તેમણે આ નિવેદન ભાજપ પ્રમુખ અમિત શાહના સંદર્ભમાં કરતાં હવે અમિત શાહના નેતૃત્વ અંગે પક્ષના નેતાઓ જ જાહેરમાં સવાલો ઉઠાવવા લાગ્યા છે એ સ્પષ્ટ છે. આઇબીના એક કાર્યક્રમમાં સંબોધતી વેળાએ ગડકરીએ આ નિવેદન કર્યું હતું.

નવી દિલ્હીઃ ભાજપ મધ્ય પ્રદેશ, રાજસ્થાન અને છત્તીસગઢ એ ત્રણ રાજ્યોમાં હારી ગયો તેના ઘેરા પ્રત્યાઘાત ભાજપમાં જ પડ્યા છે. ભાજપમાં જ નરેન્દ્ર મોદી અને અમિત શાહ સામે અસંતોષની લાગણી છે. આ લાગણીને વાચા આપવાનું કામ મોદી સરકારના જ પ્રધાન નીતિન ગડકરીએ કર્યું છે.