કિડનીને હેલ્ધી રાખવા માટે દિવસમાં તંદુરસ્ત વ્યક્તિએ કેટલું પીવું જોઇએ પાણી, જાણો એક્સ્પર્ટનો મત

પાણીની મદદથી, કિડનીની કાર્યક્ષમતા સુધરે છે અને શરીરમાં એકઠા થયેલા વિષેલા પદાર્થ દૂર થાય છે. જાણો તમારી કિડનીને સ્વસ્થ રાખવા માટે તમારે દરરોજ કેટલું પાણી પીવું જોઈએ.

પ્રતીકાત્મક તસવીર

Source : abp asmita

Health tips:કિડનીને સ્વસ્થ રાખવા માટે પુષ્કળ પાણી પીવું જરૂરી છે. પાણીની મદદથી, કિડનીની કાર્યક્ષમતા સુધરે છે અને શરીરમાં એકઠા થયેલા વિષેલો કચરો  દૂર થાય છે. જાણો તમારી કિડનીને સ્વસ્થ રાખવા માટે તમારે દરરોજ કેટલું પાણી પીવું જોઈએ. શરીરને સ્વસ્થ રાખવા માટે દરેક અંગનું યોગ્ય રીતે કામ કરવું ખૂબ જ જરૂરી છે.

આપણા અંગો યોગ્ય રીતે કાર્ય કરવા માટે ખોરાક અને પાણી પણ જરૂરી છે. ખાસ કરીને કિડનીની કામગીરીમાં સુધારો કરવા માટે, યોગ્ય માત્રામાં પાણીની જરૂર છે. કિડનીના રોગોથી દૂર રહેવા માટે પાણી પણ મહત્વનું છે કારણ કે, તે કિડનીને ડિહાઇડ્રેશનથી બચાવે છે અને કિડનીના ઘણા રોગોનું જોખમ ઘટાડે છે. તેથી, દિવસ દરમિયાન પૂરતા પ્રમાણમાં પાણી પીવું મહત્વપૂર્ણ છે. ચાલો જાણીએ કે કિડનીને સ્વસ્થ રાખવા માટે દિવસમાં કેટલું પાણી પીવું જોઈએ અને કિડની માટે પાણી શા માટે જરૂરી છે.

ઓછું પાણી પીવાથી કિડનીની સમસ્યા

કિડનીને યોગ્ય રીતે કામ કરવા માટે પાણીની જરૂર પડે છે. જો શરીરમાં પાણીની ઉણપ હોય, તો ડિહાઇડ્રેશનના કિસ્સામાં સૌથી પહેલા કિડની પર અસર થાય છે. આના કારણે શરીરમાં ખરાબ કચરો જમા થવા લાગે છે જે કિડનીને નુકસાન પહોંચાડે છે. ઓછું પાણી પીવાથી કિડનીમાં પથરીનું જોખમ વધી જાય છે. આ સિવાય યુરિનરી ટ્રેક્ટ ઈન્ફેક્શન (યુટીઆઈ) અને કિડની ફેઈલ પણ થઈ શકે છે.

તંદુરસ્ત વ્યક્તિએ 3-4 લિટર પાણી પીવું જોઈએ?

કિડનીને સ્વસ્થ રાખવા માટે કેટલું પાણી પીવું જોઈએ? હેલ્થ રિસર્ચ અનુસાર, એક સ્વસ્થ વ્યક્તિએ દિવસમાં 3-4 લિટર પાણી પીવું જોઈએ. જો કે, આ નિયમ તમારા લિંગ, કામ, મોસમ અને શરીર પર પણ આધાર રાખે છે. કિડનીને સ્વસ્થ રાખવા માટે, વ્યક્તિએ દિવસમાં ઓછામાં ઓછું 8-10 ગ્લાસ પાણી પીવું જોઈએ.

કિડનીની બીમારી ધરાવતા લોકોએ ડૉક્ટરની સલાહ મુજબ પાણી પીવું જોઈએ.

પાણીથી  કિડની પેશાબને પાતળો કરે છે અને  શરીરમાં એકઠા થયેલા કચરાને બહાર કાઢે  છે. તેથી પુરતુ પાણી પીવું જરૂરી છે. હા, જો તમને કિડની સંબંધિત કોઈ સમસ્યા હોય, તો તમારા ડૉક્ટરની સલાહ લીધા પછી જ પાણી લેવાનું નક્કી કરો. જે લોકો કિડની ફેલ્યોરથી પીડાતા હોય અથવા જેમને કિડની ડાયાલિસિસની જરૂર હોય તેમણે ઓછું પાણી પીવું જોઈએ. વધારે પાણી પીવાથી કિડની પર દબાણ આવે છે.