ઝડપથી વજન ઘટાડવા માટે કરો છો ક્રેશ ડાયટ, સાવધાન, શરીરને પહોંચે છે આ 6 મોટા નુકસાન

Health:જ્યારે શરીરને પૂરતો ખોરાક મળતો નથી, ત્યારે તે "સેવ મોડ" માં જાય છે અને ચયાપચય ધીમો પડી જાય છે. આનાથી વજન ઘટાડવાની પ્રક્રિયા વધુ મુશ્કેલ બને છે. જાણીએ અન્ય નુકસાન

ક્રેશ ડાયટના નુકશાન

Source : abp live

Health:આજના વ્યસ્ત જીવનમાં મોટાભાગના લોકો ઝડપથી વજન ઘટાડવા ઇચ્છે છે.  લોકો ઝડપી પરિણામો માટે ક્રેશ ડાયેટનો આશરો લે છે. એટલે કે ખૂબ જ ઓછી કેલરીવાળો ડાયટ લે છે.  સોશિયલ મીડિયા અને ફિટનેસ ટ્રેન્ડ્સે આને વધુ મહત્વ આપે છે.  પરંતુ શું તમે જાણો છો કે આ ડાયટ પ્લાન  તમારા સ્વાસ્થ્ય માટે કેટલો ખતરનાક સાબિત થઇ શકે છે.

ઉર્જા સ્તરમાં ભારે ઘટાડો: ક્રેશ ડાયેટિંગ શરીરને પૂરતી કેલરી અને પોષણ પૂરું પાડતું નથી, જેના કારણે ઉર્જા સ્તર ઘટી જાય છે. તમને હંમેશા થાક લાગે છે અને કોઈ કામ કરવાનું મન થતું નથી.

મેટાબોલિઝમ સ્લો થઇ જાય છે

મેટાબોલિઝમ સ્લો થઇ જાય છે: જ્યારે શરીરને પૂરતો ખોરાક મળતો નથી, ત્યારે તે "સેવ મોડ" માં જાય છે અને ચયાપચય ધીમો પડી જાય છે. આનાથી વજન ઘટાડવાની પ્રક્રિયા વધુ મુશ્કેલ બને છે.

હોર્મોનસ અસંતુલન : એક્સ્ટ્રીમ ડાયટિંગ શરીરમાં  હોર્મોનલ સંતુલનને ખલેલ પહોંચાડી શકે છે, જેના કારણે સ્ત્રીઓને માસિક ધર્મ સંબંધિત સમસ્યાઓ અને મૂડ સ્વિંગ જેવી સમસ્યાઓનો સામનો કરવો પડી શકે છે.

ઇમ્યુનિટી સિસ્ટમ વીક પડે છે: જ્યારે શરીરને જરૂરી પોષણ મળતું નથી, ત્યારે રોગપ્રતિકારક શક્તિ નબળી પડી જાય છે. આનાથી વારંવાર બીમાર પડવાની અને ઝડપથી ચેપ લાગવાની શક્યતા વધી જાય છે.

સ્નાયુઓની સમસ્યાઓ: વજન ઝડપથી ઘટે છે, પરંતુ ચરબીની સાથે સ્નાયુઓ પણ પીગળવા લાગે છે. તેનાથી શરીરની શક્તિ ઓછી થાય છે અને શરીર નબળાઈ અનુભવવા લાગે છે.

વજન વધવાનું જોખમ: ક્રેશ ડાયેટથી થતું વજન ઘટાડવું લાંબો સમય ટકતું નથી. તમે સામાન્ય રીતે ખાવાનું શરૂ કરો કે તરત જ વજન  ઝડપથી  વધી જાય છે.

Disclaimer: અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે, abp અસ્મિતા  કોઈપણ પ્રકારની ઓળખ, માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા, સંબંધિત નિષ્ણાતની સલાહ લો