Immunity Booster: મજબૂત ઇમ્યુનિટી સિસ્ટમ કોરોનાથી બચાવશે, આ ફૂડ આઈટમ્સ ખાવામાં કરો સામેલ 

કોવિડ-19નો કહેર ઝડપથી વધી રહ્યો છે. કોવિડ-19ના નવા પ્રકાર JN.1ના કેસ ભારતમાં 600ને વટાવી ગયા છે. કોવિડના વધતા જતા કેસો એ ગંભીર ચિંતાનો વિષય છે.

પ્રતિકાત્મક તસવીર

Immunity Booster: કોવિડ-19નો કહેર ઝડપથી વધી રહ્યો છે. કોવિડ-19ના નવા પ્રકાર JN.1ના કેસ ભારતમાં 600ને વટાવી ગયા છે. કોવિડના વધતા જતા કેસો એ ગંભીર ચિંતાનો વિષય છે, તેથી તેને રોકવાની સાથે સાથે આપણે આપણી રોગપ્રતિકારક શક્તિને મજબૂત કરીએ તે જરૂરી છે. કેટલીક ખાદ્ય વસ્તુઓ રોગપ્રતિકારક શક્તિને મજબૂત કરવામાં ખૂબ મદદરૂપ થઈ શકે છે. આ ખાદ્યપદાર્થોને તમારા આહારનો એક ભાગ બનાવવાથી માત્ર કોરોનાથી જ નહીં પરંતુ ફ્લૂ, શરદી વગેરે જેવી અન્ય બીમારીઓથી પણ રક્ષણ મળી શકે છે. ચાલો જાણીએ કે કઈ ખાદ્ય વસ્તુઓને તમારા આહારમાં સામેલ કરીને તેને મજબૂત બનાવી શકાય છે.

ખાટા ફળો
સાઇટ્રસ ફળોમાં ખાટા સ્વાદવાળા ફળો જેવા કે નારંગી, લીંબુ, ટેન્જેરીન, દ્રાક્ષ વગેરેનો સમાવેશ થાય છે. આમાં વિટામીન સી ભરપૂર માત્રામાં જોવા મળે છે, જે રોગપ્રતિકારક શક્તિને મજબૂત બનાવવામાં મદદ કરે છે. તેમાં રહેલા એન્ટી-ઓક્સીડેન્ટ્સ રોગપ્રતિકારક શક્તિને મુક્ત રેડિકલ નુકસાનથી બચાવીને મજબૂત બનાવે છે.

કીવી
કીવી ખાવું તમારા એકંદર સ્વાસ્થ્ય માટે ખૂબ ફાયદાકારક હોઈ શકે છે. તેમાં ફોલેટ, વિટામિન્સ અને મિનરલ્સ મળી આવે છે, જે રોગપ્રતિકારક શક્તિને મજબૂત કરવાની સાથે અન્ય સ્વાસ્થ્ય સંબંધિત સમસ્યાઓને દૂર કરવામાં પણ મદદ કરી શકે છે. તેથી, તેને તમારા આહારમાં સામેલ કરવું ખૂબ ફાયદાકારક હોઈ શકે છે.

ફેટી ફિશ
ફેટી ફિશ, જેમ કે ટૂના, મૈકરેલ, સારડિન વગેરમં  ઓમેગા-3 ફેટી એસિડ્સ જોવા મળે છે, જે તમારા સ્વાસ્થ્ય માટે ખૂબ જ ફાયદાકારક છે. આમાં એન્ટી ઈંફ્લેમેટ્રી ગુણો જોવા મળે છે, જે રોગપ્રતિકારક શક્તિને મજબૂત બનાવવામાં ખૂબ મદદરૂપ છે.

લસણ
લસણ એ આપણા રસોડામાં ખૂબ જ સામાન્ય ભાગ છે, પરંતુ તે ગુણધર્મોનો ખજાનો છે. તેમાં એન્ટી ઈન્ફ્લેમેટી તત્ત્વો મળી આવે છે, જે બળતરા ઘટાડે છે અને રોગપ્રતિકારક શક્તિને મજબૂત બનાવે છે. આ સિવાય તેમાં એન્ટી-ઓક્સીડેન્ટ પણ જોવા મળે છે, જે ફ્રી રેડિકલ ડેમેજ સામે રક્ષણ આપવામાં મદદ કરે છે.

પાલક
પાલક એ ગુણોનો ભંડાર છે. તેમાં ફ્લેવોનોઈડ્સ, વિટામિન સી, વિટામિન ઈ અને અન્ય ઘણા ખનિજો મળી આવે છે, જે રોગપ્રતિકારક શક્તિને મજબૂત બનાવવામાં મદદ કરે છે. તેથી તેને ખાવાથી રોગોથી બચવામાં મદદ મળે છે.

બ્રોકલી
બ્રોકલીમાં ઘણા વિટામિન્સ અને મિનરલ્સ મળી આવે છે. તેમાં એન્ટી-ઓક્સીડેન્ટ અને વિટામીન A, C અને E મળી આવે છે. તેનું સેવન કરવાથી રોગપ્રતિકારક શક્તિ વધારવામાં મદદ મળે છે. તેથી તેને ખાવાથી ઘણી બીમારીઓથી બચી શકાય છે.