Infection Prevention: કોરોના સહિતની સંક્રામક બીમારીથી બચવું હોય તો આ 11 ચીજોનો સ્પર્શ કર્યાં બાદ હેન્ડ વોશ કરો

વરસાદની ઋતુમાં સંક્રામક રોગ માથું ઉચકે છે. આ સ્થિતિમાં સ્વચ્છતા જાળવવી જરૂરી છે. અહીં 11 વસ્તુઓ છે જેને સ્પર્શ કર્યા પછી હાથ ધોવાની આદત જરૂર પાડો.આવી નાની આદતો આપને બીમારીથી બચાવશે.

પ્રતીકાત્મક તસવીર

Rainy Season Health Care Tips: વરસાદની ઋતુમાં સંક્રામક રોગ માથું ઉચકે છે. આ સ્થિતિમાં  સ્વચ્છતા જાળવવી જરૂરી છે.  અહીં 11 વસ્તુઓ છે જેને સ્પર્શ કર્યા પછી હાથ ધોવાની  આદત જરૂર પાડો.આવી નાની આદતો આપને બીમારીથી બચાવશે.

વરસાદની ઋતુમાં ચેપને કારણે રોગચાળો ફેલાવાનું જોખમ વધી જાય છે. કારણ કે આ ઋતુમાં બેક્ટેરિયા અને વાયરસને  ફેલાવવા માટે  અનુકૂળ વાતાવરણ મળે છે. ભલે તમે વારંવાર તમારા હાથ ધોતા હોવ અને સ્વચ્છતાનું ધ્યાન રાખો, પરંતુ તેમ છતાં રોજિંદા જીવનમાં ઘણી એવી વસ્તુઓનો ઉપયોગ કરવામાં આવે છે, જેને મોટાભાગના લોકો અવગણના કરે છે અને અજાણતા કરવામાં આવેલી આ બેદરકારી ચેપનું કારણ બની શકે છે. અહીં એવી 11 વસ્તુઓ છે, જેને સ્પર્શ કર્યા પછી મોટાભાગના લોકો તેમના હાથને સેનિટાઈઝ કરતા નથી અથવા સાબુથી હાથ ધોતા નથી.  જે સંક્રમણનું કારણ બની શકે છે.

1. નોટઅને સિક્કા

મોટાભાગના લોકો પૈસાને સ્પર્શ કર્યા પછી તેમના હાથને સેનિટાઇઝ કરતા નથી અથવા ધોતા નથી. જ્યારે નોટો ચેપી રોગોનું મુખ્ય કારણ બને છે. કોવિડ સંક્રમણ દરમિયાન, આવા ઘણા કિસ્સાઓ સામે આવ્યા, જ્યારે લોકો પૈસાના કારણે વાયરસની ઝપેટમાં આવી ગયા.

 

2. ઘરનો દરવાજો

મોટાભાગના લોકો દરવાજાના હેન્ડલ અથવા નોબને સ્પર્શ કર્યા પછી તેમના હાથ સાફ કરતા નથી. જ્યારે તેઓ ચેપ ફેલાવવાનું મુખ્ય કારણ બની જાય છે.

3. કારના દરવાજો

એ વાત સાચી છે કે તમારી કાર તમારા સિવાય ભાગ્યે જ કોઈ ખોલે છે, પરંતુ તમે જ્યારે પણ તમારી કારના દરવાજાને સ્પર્શ કરો છો, તે પહેલાં તમે કેટલી જગ્યાએ સ્પર્શ કર્યો છે? પછી પાર્કિંગમાં કાર હોય ત્યારે  કેટલા પ્રકારના બેક્ટેરિયા અથવા વાયરસના તે સંપર્કમાં યેનકેન પ્રકારે આવે છે. તે જાણી શકાતું નથી માટે કારના હેન્ડલને સ્પર્શ કર્યાં બાદ હેન્ડ સેનિટાઈઝ કરવા જરૂરી છે.

 

4. કાર સ્ટીયરીંગ

જો તમે કારનો દરવાજો ખોલ્યા પછી ચેપગ્રસ્ત હાથથી સ્ટિયરિંગને સ્પર્શ કરશો, તો બેક્ટેરિયા-વાયરસને પણ તેના પર તેમની વસાહત બનાવવા માટે સંપૂર્ણ જગ્યા મળી જશે. જે તમને પાછળથી સંક્રમિત કરી શકે છે.

5. ખરીદી કરતી વખતે

સુપર માર્કેટમાં ખરીદી કરતી વખતે, તમે પ્રવેશવા માટે ખૂબ જ બેદરકારીથી ગેટના હેન્ડલને સ્પર્શ કરો છો, જ્યારે ગાર્ડ તમને સહી કરવાનું કહે છે, ત્યારે તમે આરામથી પેનથી સહી કરો છો. શું તમે વિચારો છો કે આ દરવાજાના હેન્ડલ અને આ પેનને કેટલા લોકોએ  સ્પર્શ કર્યો હશે... સાવધાની જરૂરી છે. દરવાજાના હેન્ડર પેન કોઇ અન્ય વસ્તુઓને સ્પર્શ કર્યાં બાદ આપના હાથને સેનિટાઇઝ કરો.

6. પેટ સ્પર્શ કર્યાં બાદ

જો તમારી પાસે ઘરમાં પાળતુ પ્રાણી છે, તો તમે તેમને દિવસમાં સેંકડો વખત સ્પર્શ કરો છો. પરંતુ શું તમે પ્રેમથી તેની રૂંવાટીને પંપાળ્યાં બાદ  હાથને સેનિટાઇઝ કરો છો? મોટાભાગના લોકો આવું કરતા નથી. આ આદત પણ આપને બીમાર કરી શકે છે.

7. મેન્યૂ કાર્ડ

રેસ્ટોરન્ટ અને હોટલમાં ફૂડ ઓર્ડર કરતા પહેલા મોટાભાગના લોકો મેનુ કાર્ડને બંને હાથે સ્પર્શ કરે છે અને પછી ફૂડ આવતાની સાથે જ તેઓ હાથ સાફ કર્યા વિના જ ખાવાનું શરૂ કરે છે. આ આદત પણ  જોખમી છે.

8. આપનો ફોન

તમને જાણીને નવાઈ લાગશે કે, તમારા ફોનમાં ટોયલેટ સીટ જેટલા ખતરનાક બેક્ટેરિયા હોય છે... તેથી દિવસમાં ઓછામાં ઓછા બે વાર સેનિટાઈઝર વડે ફોનને સાફ કરો અથવા અન્ય કોઈ રીતે તેને ડિસઇન્ફેક્ટ કરો

9. કીઓ અને કાર્ડ્સ

ઘર અને કારની ચાવીઓ ચેપ ફેલાવવાનું ખૂબ જોખમ ધરાવે છે. કારણ કે તેમની સફાઈ પર ભાગ્યે જ ધ્યાન આપવામાં આવે છે. આધાર કાર્ડ, પાન કાર્ડ અને એટીએમ કાર્ડ વગેરે સાથે પણ આવું જ થાય છે. કેટલી જગ્યા વાપર્યા પછી આપણે ખિસ્સામાં આ રીતે જ રાખીએ છીએ અને આ બેદરકારી ભારે પડી શકે છે.

10. આપનું કિચન

બાથરૂમમાં જેટલા ખતરનાક બેક્ટેરિયા રસોડામાં હોઈ શકે છે. ખાસ કરીને જે સ્ક્રબર તમારી વાનગીઓ સાફ કરે છે તેના પર બેક્ટેરિયાની વસાહત હોય છે. તેથી, તેમને સાફ કરવા અને સૂકવવા પર વિશેષ ધ્યાન આપો.

11. હોમ સ્વિચ

ઘરમાં લાઈટ, પંખાની સ્વિચ, એસી રિમોટ, રેફ્રિજરેટરના દરવાજા જેવી ઘણી જગ્યાઓ છે, જ્યાં સૌથી વધુ ટચ કરવામાં આવે છે પરંતુ આપણે તેમની સ્વચ્છતા પ્રત્યે ખૂબ જ બેદરકાર હોઈએ છીએ અથવા કહો કે આપણે ક્યારેય ધ્યાન આપતા નથી. જ્યારે આ સ્થળોએ ચેપ ફેલાવાની સૌથી વધુ સંભાવના છે.