Fridge Keeping Tips: ફ્રિજને દીવાલથી કેટલી દૂર રાખવું જોઈએ? નહીં તો થઈ શકે છે મોટું નુકસાન
Fridge Keeping Tips: :ખોટી જગ્યાએ મુકાયેલ રેફ્રિજરેટર વધુ વીજળી વાપરે છે, તેની ઠંડક ઓછી થઈ શકે છે અને ઘણા કિસ્સાઓમાં, વધુ ગરમ થવાને કારણે, શોર્ટ સર્કિટ અથવા આગનું જોખમ પણ વધી જાય છે.
Fridge Keeping Tips:ઘરમાં જગ્યા બચાવવા માટે ઘણા લોકો ફ્રિજને કોઈપણ ખૂણામાં અથવા દીવાલને અડકીને મૂકી દે છે. આ સામાન્ય બાબત લાગતી હોય છે, પરંતુ આવી નાની ભૂલ આગળ જઈને મોટી સમસ્યા નું કારણ બની શકે છે. ખોટી જગ્યાએ રાખેલો ફ્રિજ વધુ વીજળી વાપરે છે, તેની કૂલિંગ ક્ષમતા ઘટે છે અને કેટલાક કિસ્સાઓમાં ઓવરહીટિંગને કારણે શોર્ટ સર્કિટ અથવા આગ લાગવાનો ખતરો પણ વધી શકે છે.
આજના સમયમાં લગભગ દરેક ઘરમાં ફ્રિજનો ઉપયોગ થાય છે, પરંતુ તેની સાથે જોડાયેલી કેટલીક મહત્વપૂર્ણ બાબતો વિશે બહુ ઓછા લોકોને જાણ હોય છે. જો તમે પણ તમારા ઘરમાં ફ્રિજનો ઉપયોગ કરો છો, તો તેને દીવાલથી કેટલી દૂર રાખવો જોઈએ અને કઈ બાબતોનું ધ્યાન રાખવું જોઈએ તે જાણવું જરૂરી છે. જેથી તમારૂ ફ્રિજ લાંબા સમય સુધી સુરક્ષિત અને સારી રીતે કાર્ય કરતો રહે.
ફ્રિજને દીવાલથી કેટલી દૂર રાખવો જોઈએ?
ઘણા લોકો જગ્યા બચાવવા માટે ફ્રિજને દીવાલને અડકીને મૂકી દે છે, પરંતુ નિષ્ણાતો આવું કરવાની સલાહ આપતા નથી. ફ્રિજની પાછળ કમ્પ્રેસર અને કન્ડેન્સર કૉઇલ્સ હોય છે, જે મશીનમાંથી નીકળતી ગરમીને બહાર કાઢવાનું કામ કરે છે.
જો તેની આસપાસ પૂરતી જગ્યા ન હોય તો ગરમ હવા બહાર નીકળી શકતી નથી અને મશીન વધુ ગરમ થવા લાગે છે. નિષ્ણાતોના જણાવ્યા અનુસાર ફ્રિજને દીવાલથી ઓછામાં ઓછું 5 થી 10 સેન્ટીમીટર (લગભગ 2 થી 4 ઇંચ) દૂર રાખવો જોઈએ. ઉપરાંત, ફ્રિજની બંને બાજુએ પણ ઓછામાં ઓછું 5 સેન્ટીમીટરનું અંતર હોવું જરૂરી છે. ફ્રિજની ઉપર પણ પૂરતી ખુલ્લી જગ્યા હોવી જોઈએ જેથી હવાનો પ્રવાહ જળવાઈ રહે.
ફ્રિજને દીવાલ સાથે અડકીને રાખવાથી શું નુકસાન થઈ શકે?
જ્યારે ફ્રિજની પાછળ પૂરતી જગ્યા નથી હોતી ત્યારે તેની ગરમી બહાર નીકળી શકતી નથી. પરિણામે કમ્પ્રેસરને સતત વધુ મહેનત કરવી પડે છે. તેના કારણે અનેક સમસ્યાઓ ઊભી થઈ શકે છે:
વીજળીનો ખર્ચ વધી શકે છે
કૂલિંગ ક્ષમતા ઘટી શકે છે
કમ્પ્રેસર વહેલું ખરાબ થઈ શકે છે
ફ્રિજની આયુષ્ય ઘટી શકે છે
ઓવરહીટિંગની સમસ્યા સર્જાઈ શકે છે
શોર્ટ સર્કિટ અથવા આગ લાગવાનો ખતરો વધી શકે છે
આ કારણે નિષ્ણાતો હંમેશા ફ્રિજની આસપાસ પૂરતી ખુલ્લી જગ્યા રાખવાની સલાહ આપે છે.
ઉનાળામાં કેમ વધી જાય છે જોખમ?
ઉનાળાની ઋતુમાં તાપમાન પહેલેથી જ વધારે હોય છે. આવી સ્થિતિમાં ફ્રિજને અંદરનું તાપમાન ઠંડું રાખવા માટે વધુ મહેનત કરવી પડે છે. જો ફ્રિજ દીવાલને અડકીને મૂકવામાં આવ્યો હોય અથવા તેની આસપાસ હવાનો યોગ્ય પ્રવાહ ન હોય, તો મશીન વધુ ગરમ થઈ શકે છે.
સતત ઓવરહીટિંગ થવાથી ફ્રિજના ઇલેક્ટ્રિકલ ભાગો પર અસર પડી શકે છે અને ફ્રિજ યોગ્ય રીતે કામ કરવાનું બંધ પણ કરી શકે છે. ફ્રિજ રાખવા માટે સૌથી યોગ્ય જગ્યા કઈ છે?
ફ્રિજને હંમેશા એવી જગ્યાએ રાખવો જોઈએ જ્યાં:
સીધો સૂર્યપ્રકાશ ન પડતો હોય
ગેસ સ્ટોવ અથવા ઓવનની ગરમી ન પહોંચતી હોય
હવાનો સારો પ્રવાહ રહેતો હોય
દીવાલથી યોગ્ય અંતર જાળવવામાં આવ્યું હોય
આવી જગ્યાએ રાખવાથી ફ્રિજ વધુ સારી કૂલિંગ આપે છે, વીજળીની બચત થાય છે અને તેની કાર્યક્ષમતા તથા આયુષ્ય બંને વધે છે.
ટોપ સ્ટોરી
ટ્રેન્ડિંગ સમાચાર
