Hair Oiling At Night:શું આપ રાત્રે ઓઇલ કરીને સવારે શેમ્પુ કરો છો તો સાવધાન, જાણો નુકસાન

Hair Oiling At Night: એવું કહેવાય છે કે, વાળને પોષણ આપવા માટે તેલ લગાવવું જરૂરી છે, પરંતુ ઘણી વખત આપણે ખોટી રીતે તેલ લગાવીએ છીએ જેના કારણે વાળ ખરવા લાગે છે

પ્રતીકાત્મક તસવીર ( ગૂગલમાંથી)

Hair Oiling At Night: વાળ આપણા વ્યક્તિત્વનું એક એવું પાસું છે કે જો તે યોગ્ય ન હોય તો તે આપણા વ્યક્તિત્વને ઘણી અસર કરે છે. લોકો ઘણીવાર વાળ ખરવાની સમસ્યાથી પરેશાન રહે છે. તેની પાછળનું કારણ વાળ પ્રત્યેની બેદરકારી છે. વાસ્તવમાં વાળને પણ શરીરની જેમ ખોરાકની જરૂર હોય છે અને તેલ વાળ માટે ખોરાક તરીકે કામ કરે છે. જો તમે યોગ્ય સમયે તમારા વાળમાં તેલ ન લગાવો તો તમારા વાળ નબળા પડી જાય છે અને તૂટવા લાગે છે. તેથી, દરરોજ અથવા અઠવાડિયામાં બે કે ત્રણ દિવસ તેલથી વાળની ​​માલિશ કરવી જરૂરી છે. તેનાથી ડેન્ડ્રફ અને વાળ ખરતા અટકે છે. જો કે, ઘણી વખત તેલ લગાવ્યા પછી પણ વાળ ખરી જાય છે કારણ કે તેલ લગાવવાની આપણી પદ્ધતિ ખોટી છે.

વાળમાં તેલ લગાવવા અંગેની ભૂલો

ઘણી સ્ત્રીઓ અથવા પુરુષોને લાગે છે કે તેમના વાળમાં લાંબા સમય સુધી તેલ લગાવવાથી વાળને ઘણું પોષણ મળે છે, આવી સ્થિતિમાં તેઓ રાત્રે તેલ લગાવે છે અને સવારે ઉઠીને વાળ ધોવે છે. અહીં પર જ લોકો ખરેખર ભૂલ કરે છે. આયુર્વેદના નિષ્ણાતો અનુસાર, જો તમે તમારા વાળમાં તેલ લગાવો છો, તો તેને 45 થી 50 મિનિટ સુધી જ  રાખો , તેનાથી વધુ સમય તેલ રાખવાથી સમસ્યા થઇ શકે છે.

તમારા વાળમાં તેલ લગાવવાની સાચી રીત

જો તમે ખરેખર તમારા વાળની ​​સંભાળ રાખવા માંગો છો, તો તમારા વાળમાં 1 કલાકથી વધુ સમય સુધી તેલ ન રાખો. જો તમે તમારા વાળમાં લાંબા સમય સુધી તેલ છોડો છો, તો તે છિદ્રોને બંધ કરી શકે છે અને ઓક્સિજનને વાળ સુધી પહોંચતા અટકાવી શકે છે. લાંબા સમય સુધી વાળમાં તેલ રાખવાથી તમારા વાળને નુકસાન થઈ શકે છે. સ્કેલ્પની ત્વચમાં  ફોલ્લીઓ અને પિમ્પલ્સ હોઈ શકે છે. જેના કારણે વાળ ખરવા લાગે છે. તેથી એક કલાકથી વધુ સમય વાળમાં તેલ ન રહેવા દો.

જો કે, એવા ઘણા નિષ્ણાતો છે, જેઓ માને છે કે રાત્રે કરવામાં આવેલું તેલ આખી રાત વાળને પોષણ આપે છે, જેનાથી વાળ સુંદર અને ઘટ્ટ બને છે. આ બંને પરિસ્થિતિઓની પુષ્ટિ કરી શકાતી નથી. તેથી, તમે આ વિશે સત્ય જાણવા માટે નિષ્ણાતની સલાહ લેવી જરૂરી છે.

આ સ્થિતિમાં તેલ ન લગાવો

આ ઉપરાંત જે લોકો ડેન્ડ્રફની સમસ્યાથી પરેશાન હોય અથવા સ્કેલ્પની સ્કિન ઓઇલી રહેતી હોય તો  તેમણે પણ તેલ ન લગાવવું જોઈએ આ સ્થિતિમાં લાંબા સમય સુધી તેલ લગાવવાથી ધૂળ અને ગંદકી સ્કેલ્પની સ્કિન તરફ આકર્ષિત થાય છે  અને તેના કારણે છિદ્રોપેક થઇ જાય છે અને હેરનો ગ્રોથ પણ અટકી જાય છે.  

Disclaimer: અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે, abp અસ્મિતા  કોઈપણ પ્રકારની ઓળખ, માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા, સંબંધિત નિષ્ણાતની સલાહ લો