Parenting Tips: શું આપના બાળકની થાળીમાં હોય છે આ ચીજો નહિતો સ્વાસ્થ્ય પર પડે છે વિપરિત અસર
Kids Health: બાળકોના યોગ્ય વિકાસ માટે આહારમાં પોષક તત્વોથી ભરપૂર ખોરાકનો સમાવેશ કરો. વિટામિન્સ, મિનરલ્સ અને પ્રોટીનથી ભરપૂર ખોરાક ખવડાવો. જે યોગ્ય વિકાસ તરફ દોરી જશે.
Kids Health: બાળકોના યોગ્ય વિકાસ માટે આહારમાં પોષક તત્વોથી ભરપૂર ખોરાકનો સમાવેશ કરો. વિટામિન્સ, મિનરલ્સ અને પ્રોટીનથી ભરપૂર ખોરાક ખવડાવો. જે યોગ્ય વિકાસ તરફ દોરી જશે.
માતા-પિતા મોટાભાગે વધતા બાળકોની ઊંચાઈ અને વજન વિશે ચિંતિત હોય છે. બાળકોના યોગ્ય વિકાસ માટે સંપૂર્ણ આહાર જરૂરી છે. જો તમે બાળકની થાળીમાં પ્રોટીન, વિટામિન અને મિનરલ્સથી ભરપૂર વસ્તુઓનો સમાવેશ કરો છો, તો તેનાથી તેમનો યોગ્ય વિકાસ થાય છે. જો કે બાળકનું શરીર અને ઉંચાઈ ઘણી હદ સુધી જીન્સ પર આધારિત હોય છે, પરંતુ આજકાલ તેને સારા ખાનપાનથી પણ બદલી શકાય છે. પ્રોટીન, વિટામીન, મિનરલ્સ અને કાર્બોહાઈડ્રેટ્સનું સંતુલન બનાવીને બાળકને ખોરાક આપવો જોઈએ. આજે અમે તમને બાળકોના સારા વિકાસ માટે જરૂરી પોષક તત્વો વિશે જણાવી રહ્યા છીએ. ચાલો જાણીએ કે બાળકો માટે કયા પોષક તત્વો જરૂરી છે.
બાળકો માટે જરૂરી પોષક તત્વો
વિટામિન
બાળકના હાડકાંના સ્વાસ્થ્ય અને ઊંચાઈ માટે વિટામિન ડી ખૂબ જ જરૂરી છે. વિટામિન ડી શરીરમાં કેલ્શિયમના શોષણમાં મદદ કરે છે. વિટામિન A, વિટામિન B1, વિટામિન B2, વિટામિન C, રિબોફ્લેવિન, એસ્કોર્બિક એસિડ અને વિટામિન F પણ બાળકોના યોગ્ય વિકાસ માટે જરૂરી છે.
ખનિજ
બાળકની ઉંચાઈ અને યોગ્ય વિકાસ માટે પણ ખનિજો જરૂરી છે. તમારે બાળકોના આહારમાં આયર્ન, મેગ્નેશિયમ, ફોસ્ફરસ, આયોડિન, મેંગેનીઝ અને ફ્લોરાઈડથી ભરપૂર ખોરાકનો સમાવેશ કરવો જોઈએ. આ ખનિજો બાળકોનો વિકાસ વધારવામાં મદદ કરે છે. કેલ્શિયમ પણ શરીર માટે ખૂબ જરૂરી છે.
પ્રોટીન
જ્યારે બાળકોમાં ઊંચાઈ વધારવાની વાત આવે છે ત્યારે પ્રોટીન એ સૌથી મહત્વપૂર્ણ આહાર પરિબળોમાંનું એક માનવામાં આવે છે. પ્રોટીન સ્નાયુઓ અને પેશીઓના નિર્માણ, વૃદ્ધિ અને જાળવણીમાં મહત્વપૂર્ણ ભૂમિકા ભજવે છે. બાળકના આહારમાં યોગ્ય માત્રામાં પ્રોટીનનો સમાવેશ થવો જોઈએ.
કાર્બોહાઈડ્રેટ
બાળકોની ઊંચાઈ વધારવા માટે આહારમાં કાર્બોહાઇડ્રેટ પણ ખૂબ જ જરૂરી માનવામાં આવે છે. કાર્બોહાઈડ્રેટ શરીરને ઉર્જા પ્રદાન કરે છે. બાળકોમાં એનર્જી જાળવવા માટે કાર્બોહાઇડ્રેટ્સ જરૂરી છે.
અન્ય પોષક તત્વો
ઓમેગા-3 અને ઓમેગા-6 ફેટી એસિડ્સ પણ બાળકોના આહારમાં સામેલ કરવા જોઈએ. આ તમારા બાળકના સ્વાસ્થ્ય અને ઊંચાઈને અસર કરે છે. બાળકોના હાડકાંને મજબૂત કરવા માટે તમારે સારી ચરબીયુક્ત વસ્તુઓ પણ સામેલ કરવી જોઈએ.
Disclaimer: અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે abp અસ્મિતા કોઈપણ પ્રકારની માન્યતા, માહિતીને સમર્થન આપતું નથી. કોઈપણ માહિતી અથવા ધારણા લાગુ કરતાં પહેલાં, સંબંધિત નિષ્ણાતની સલાહ લો.
ટ્રેન્ડિંગ સમાચાર
ટોપ સ્ટોરી
