Ahmedabad : 30 વર્ષની યુવતીને હોટલમાં લઈ જઈ 7 વર્ષ નાના યુવકે માણ્યું શરીર સુખ, બીજી યુવતીને એ જ હોટલમાં લઈ જઈ માણી રહ્યો હતો શરીર સુખ ને.......

પડાની જેમ છોકરીઓ બદલતા આ યુવકનો તેની જ પ્રેમિકાએ ભાંડો ફોડી નાંખ્યો છે. પ્રેમિકાએ અન્ય યુવતી સાથે યુવકને હોટલમાંથી રંગેહાથ ઝડપી પાડ્યો હતો. 

પ્રતિકાત્મક તસવીર.

અમદાવાદઃ અલગ અલગ યુવતીઓને શહેરની હોટલમાં લઈ જઈને રંગરેલિયા મનાવતા એક યુવકની પોલીસે ધરપકડ કરી છે. યુવક યુવતીઓને લગ્નની લાલચ આપીને પ્રેમજાળમાં ફસાવતો હતો અને શહેરની અલગ અલગ હોટલમાં જઇને તેમની સાથે શરીરસુખ માણતો હતો. કપડાની જેમ છોકરીઓ બદલતા આ યુવકનો તેની જ પ્રેમિકાએ ભાંડો ફોડી નાંખ્યો છે. પ્રેમિકાએ અન્ય યુવતી સાથે યુવકને હોટલમાંથી રંગેહાથ ઝડપી પાડ્યો હતો. 

આ અંગેની વિગતો એવી છે કે, મૂળ વડોદરાની અને અત્યારે અમદાવાદના પૂર્વ વિસ્તારમાં રહેતી 30 વર્ષીય યુવતીને ગોમતીપુરમાં રહેતા 23 વર્ષીય ફજલ ઉર્ફે આરીફખાન પઠાણ સાથે 3 વર્ષથી પ્રેમસંબંધ હતા. 6 વર્ષ પહેલા ડિવોર્સ લીધેલી આ યુવતીને પ્રેમીએ લગ્નની લાલચ આપીને જાળમાં ફસાવી હતી. તેમજ તેને હોટલમાં લઈ જઈને શરીરસુખ પણ માણ્યું હતું. 

પ્રેમીના ઘરની આર્થિક સ્થિતિ સારી ન હોવાથી પ્રેમિકા તેને આર્થિક મદદ પણ કરતી હતી. જોકે, કપડાની જેમ યુવતીઓ બદલવાના શોખીન પ્રેમીને છેલ્લા 3 મહિનાથી અન્ય યુવતો સાથે સંબંધ હોવાની પ્રેમિકાને શંકા ગઈ હતી. પ્રેમીની હકિકત જાણવા માટે યુવતી ગત 15મી મેના રોડ અમદાવાદ આવી હતી અને હોટલમાં રોકાઈ હતી. અહીં આવેલો પ્રેમી વોશરૂમમાં જતા જ યુવતીએ તેનો મોબાઇલ ચેક કર્યો હતો. જેમાં અન્ય યુવતીઓ સાથેની અશ્લીલ તસવીરો જોતાં જ તેના પગ નીચેથી જમીન સરકી ગઈ હતી.

યુવતીએ પ્રેમીને અન્ય યુવતીઓ સાથે રિલેશન વિશે પૂછતાં તેણે ઇનકાર કરી દીધો હતો. જોકે, યુવતીએ વધુ તપાસ કરતાં ફજલના થોડા દિવસ પછી લગ્ન હોવાનું જાણવા મળ્યું હતું. દરમિયાન યુવતીએ યુવકને વીડિયો કોલ કર્યો હતો. વીડિયો કોલમાં યુવતીને પ્રેમી જે હોટલમાં લઈ ગયો હતો તે જ હોટલમાં હોવાની ખબર પડી ગઈ હતી. 

આથી યુવતી વડોદરાથી અમદાવાદ આવી ગઈ હતી અને હોટલમાં જઈને તપાસ કરતાં અન્ય યુવતી સાથે પ્રેમી રંગેહાથ ઝડપાઈ ગયો હતો. આ મામલે યુવતીએ યુવક સામે મણિગનર પોલીસ સ્ટેશનમાં બળાત્કારની ફરિયાદ થતાં પોલીસે તેને રંગેહાથ ઝડપી લીધો હતો. મણિનગર પોલીસ સામે ફજલે કબૂલ્યું હતું કે, 10 દિવસ પછી તેના અન્ય યુવતી સાથે લગ્ન હતા.