Ahmedabad Metro : અમદાવાદીઓ માટે ખુશીના સમાચારઃ આજથી સમગ્ર શહેરમાં દોડશે મેટ્રો

આજથી સમગ્ર શહેરમાં મેટ્રો ટ્રેન દોડશે. પૂર્વ-પશ્ચિમ કોરિડોર બાદ ગુરુવારથી ઉત્તર દક્ષિણ કોરિડોર શરૂ થશે. વાસણા APMCથી મોટેરા સ્ટેડિયમ રૂટ ઉપર મેટ્રો શરૂ થશે.

તસવીરઃ અમદાવાદ મેટ્રોની શરૂઆત કરાવી રહેલા નરેન્દ્ર મોદી

અમદાવાદઃ અમદાવાદના લોકો માટે મોટા ખુશીના સમાચાર સામે આવ્યા છે. આજથી સમગ્ર શહેરમાં મેટ્રો ટ્રેન દોડશે. પૂર્વ-પશ્ચિમ કોરિડોર બાદ ગુરુવારથી ઉત્તર દક્ષિણ કોરિડોર શરૂ થશે. વાસણા APMCથી મોટેરા સ્ટેડિયમ રૂટ ઉપર મેટ્રો શરૂ થશે. સવારના 9 થી રાતના 8 કલાક સુધી મેટ્રો ચાલુ રહેશે. ઉત્તર-દક્ષિણ કોરિડોરના રૂટ ઉપર નજર કરવામાં આવે તો વાસણા APMC-જીવરાજ પાર્ક-રાજીવનગર-શ્રેયસ ક્રોસિંગ-પાલડી-ગાંધીગ્રામ-જૂની હાઇકોર્ટ-ઉસમાનપુરા-વિજયનગર-વાડજ-રાણીપ-સાબરમતી રેલવે સ્ટેશન-સાબરમતી-મોટેરા સ્ટેડિયમ સુધી મેટ્રો દોડશે. ટિકિટના દર 5 થી 25 રૂપિયા લેખે રહેશે.

વડાપ્રધાન નરેન્દ્ર મોદીએ 30મી સપ્ટેમ્બરે અમદાવાદ મેટ્રો ટ્રેનનો પ્રારંભ કરાવ્યો હતો. આ સાથે મેટ્રો ટ્રેનના ફેઝ-1ને લોકો માટે ખુલ્લો મુકી દેવામાં આવ્યો છે. જોકે, લોકો આજથ ીમેટ્રો ટ્રેનમાં મુસાફરી કરી શકશે. દુરદર્શન મેટ્રો સ્ટેશન ખાતેથી મોદીએ મેટ્રો ટ્રેનને લીલી ઝંડી આપી હતી. હવે મેટ્રો ટ્રેન 40 કિ.મી.ના રૂટ પર દોડશે

આ પહેલા ગાંધીનગરથી વંદે ભારત ટ્રેનનો પ્રારંભ કરાવ્યો હતો. તેમણે ટ્રેનને લીલી ઝંડી આપી હતી. તેમની સાથે મુખ્યમંત્રી ભૂપેન્દ્ર પટેલ અને કેન્દ્રીય રેલવે મંત્રી દર્શનાબેન જરદોશ પણ હાજર રહ્યા હતા. આ સિવાય રાજ્યપાલ આચાર્ય દેવવ્રત અને ભાજપ પ્રદેશ પ્રમુખ અને સાંસદ સી.આર. પાટીલ પણ હાજર રહ્યા હતા. તેઓ ટ્રેનમાં બેસીને કાલુપુર રેલવે સ્ટેશન પહોંચ્યા હતા. તેમજ ત્યાંથી તેઓ મેટ્રો ટ્રેન પ્રસ્થાન કરાવવા પહોંચ્યા હતા. 

 

Railway Station Alert Wakeup Alarm Service: ભારતીય રેલ્વે તેના મુસાફરોની નાની નાની સમસ્યાઓના નિરાકરણ માટે તમામ પ્રયાસો કરતી રહે છે. આ વખતે રેલવેએ મુસાફરોની સારી મુસાફરી માટે એક મોટી સેવા શરૂ કરી છે. આ સેવાના આગમન સાથે, હવે તમારી રાત્રિની મુસાફરીમાં ટ્રેનમાં સ્ટેશન મિસ થવાની ચિંતા સમાપ્ત થઈ જશે. તમે ટ્રેનમાં આરામથી સૂઈ શકો છો. સ્ટેશન પર તમારા આગમનની 20 મિનિટ પહેલાં રેલવે તમને જગાડશે. આ સાથે તમે તમારું સ્ટેશન ચૂકશો નહીં અને તમે આરામથી તમારી ઊંઘ પૂરી કરી શકશો.

ઘણી વખત લોકો ટ્રેનમાં ઊંઘી જાય છે, જેના કારણે તેઓ તેમનું સ્ટેશન ચૂકી જાય છે. આ સમસ્યાને દૂર કરવા માટે આ સુવિધા શરૂ કરવામાં આવી છે. સામાન્ય રીતે આ રાત્રિ દરમિયાન થાય છે. રેલવેએ ડેસ્ટિનેશન એલર્ટ વેકઅપ એલાર્મ સેવા શરૂ કરી છે.

માત્ર 3 રૂપિયામાં એલર્ટ મળશે

આ સુવિધા મુસાફરોને રાત્રે 11.00 વાગ્યાથી સવારે 7.00 વાગ્યા સુધી ઉપલબ્ધ રહેશે. આ માટે રેલવે તરફથી માત્ર 3 રૂપિયા ફી નક્કી કરવામાં આવી છે. જો તમે આ સેવા લો છો, તો તમારા સ્ટેશનની 20 મિનિટ પહેલા તમારા ફોન પર ચેતવણી મોકલવામાં આવશે. (Railway Station Alert Wakeup Alarm Service) જેથી કરીને તમે તમારો સામાન વગેરે યોગ્ય રીતે રાખી શકો અને સ્ટેશન પર પહોંચતા જ ટ્રેનમાંથી ઉતરી શકો.

આ રીતે ઉપયોગ કરો

ભારતીય રેલ્વેએ આ સુવિધા પૂછપરછ સેવા નંબર 139 પર શરૂ કરી છે. ટ્રેનમાં મુસાફરી કરતા મુસાફરો પૂછપરછ સિસ્ટમ નંબર 139 પર એલર્ટ સુવિધા માટે પૂછી શકે છે.

આ સ્ટેપને અનુસરો

સૌથી પહેલા તમારે IRCTC હેલ્પલાઈન 139 પર કોલ કરવો જોઈએ.

જ્યારે ડેસ્ટિનેશન એલર્ટ સર્વિસ શરૂ કરવા માટે કૉલ આવે ત્યારે તમારી ભાષા પસંદ કરો.

ગંતવ્ય ચેતવણી માટે, પહેલા નંબર 7 અને પછી નંબર 2 દબાવો.

આ પછી, યાત્રી પાસેથી 10-અંકનો PNR નંબર પૂછવામાં આવશે.

PNR દાખલ કર્યા પછી, પુષ્ટિ કરવા માટે 1 ડાયલ કરો.

આ પ્રક્રિયા પછી, સિસ્ટમ PNR નંબરની ચકાસણી કરો અને વેકઅપ એલર્ટ ફીડ કરો.

તેનો કન્ફર્મેશન એસએમએસ પેસેન્જરના મોબાઈલ પર પ્રાપ્ત થશે.

Mehsana : યુવતીને ખેતરમાં લઈ જઈ પાંચ પાંચ શખ્સોએ ગુજાર્યું સામૂહિક દુષ્કર્મ, નોંધાવી પોલીસ ફરિયાદ
મહેસાણાઃ મહેસાણા જીલ્લામાં ફરી સામૂહિક  દુષ્કર્મની ઘટના સામે આવતાં ખળભળાટ મચી ગયો છે. ઉંઝાના ભાખર ગામની સીમમાં યુવતી સાથે સામૂહિક દુષ્કર્મ થયું છે. સિદ્ધપુરની યુવતી ઉંઝા આવતા  તેને રીક્ષામાં બેસાડી ભાખર ગામની સીમમાં લઇ જઇ પાંચ લોકોએ સામૂહિક દુષ્કર્મ આચર્યું હતું. ગામ પાસે એક ખેતરની ઓરડીમાં સામૂહિક દુષ્કર્મ આચરાયું હતું. 

ભોગ બનનાર મહિલા ઉંઝા પોલિસ મથક પર પહોંચી પોલીસ ફરિયાદ નોંધાવી હતી. ઉંઝા પોલીસે પાંચ લોકો સામે પોલિસ ફરિયાદ નોંધી તપાસ શરૂ કરી છે.