કોરોનાના કહેર વચ્ચે સુરત અમદાવાદથી આ બાબતમાં પણ નીકળી શકે છે આગળ? જાણો વિગત

છેલ્લા એક જ અઠવાડિયામાં સુરતમાં અમદાવાદ કરતાં 738 એક્ટિવ કેસ વધુ નોંધાયા છે.

સુરતઃ ગુજરાતમાં કોરોનાના કેસો સતત વધી રહ્યા છે. હાલ, ગુજરાતમાં કોરોનાના કુલ એક્ટિવ કેસ 10,897 છે. જેમાં સૌથી વધુ અમદાવાદમાં 3690 એક્ટિવ કેસ છે. આ પછી સૌથી વધુ એક્ટિવ કેસ સુરતમાં 2930 છે. આમ, એક્ટિવ કેસની બાબતમાં અમદાવાદ સુરતની નજીક પહોંચી રહ્યું છે. સુરતમાં જે પ્રકારે કેસો આવી રહ્યા છે, તે જોતાં થાડો દિવસમાં સુરતના એક્ટિવ કેસો અમદાવાદ કરતાં વધી શકે છે. છેલ્લા એક અઠવાડિયાની વિગતો જોઇએ તો સુરતમાં છેલ્લા એક અઠવાડિયામાં 7મી જૂલાઇથી 13મી જુલાઇ દરમિયાન કુલ 1906 કેસ નોંધાયા છે. જેની સામે 959 લોકો ડિસ્ચાર્જ થયા છે. જ્યારે 31 લોકોના મોત થયા છે. સાજા થયેલા અને મોતની સંખ્યા બાદ કરીએ તો છેલ્લા એક અઠવાડિયામાં જ સુરતમાં એક્ટિવ કેસમાં 916નો વધારો થયો છે. તેની સામે અમદાવાદની વાત કરીએ તો  છેલ્લા એક અઠવાડિયામાં 7મી જૂલાઇથી 13મી જુલાઇ દરમિયાન કુલ 1184 કેસ નોંધાયા છે.  જેની સામે 978 લોકો ડિસ્ચાર્જ થયા છે. જ્યારે 28 લોકોના મોત થયા છે. સાજા થયેલા અને મોતની સંખ્યા બાદ કરીએ તો છેલ્લા એક અઠવાડિયામાં અમદાવાદમાં એક્ટિવ કેસમાં માત્ર 178નો વધારો થયો છે. આમ, છેલ્લા એક જ અઠવાડિયામાં સુરતમાં અમદાવાદ કરતાં 738 એક્ટિવ કેસ વધુ નોંધાયા છે. આમ, ગઈ કાલે સાંજ સુધીના એક્ટિવ કેસોની વાત કરીએ તો અમદાવાદમાં સુરત કરતાં 760 એક્ટિવ કેસ વધુ છે. ગયા અઠવાડિયા પ્રમાણે જ જો સુરતમાં કેસોમાં કાબૂ ન આવે તો આવતા અઠવાડિયા સુધીમાં સુરત ગુજરાતમાં સૌથી વધુ એક્ટિવ કેસો ધરાવતો જિલ્લો થઈ જશે.

Date	Surat	Discharge	Death	Ahmedabad	Discharge	Death
13-07-2020	287	186	5	164	125	3
12-07-2020	251	138	5	172	133	4
11-07-2020	270	136	3	178	126	4
10-07-2020	269	118	4	165	161	5
09-07-2020	307	124	6	162	139	5
08-07-2020	273	181	5	156	170	5
07-07-2020	249	76	3	187	124	5
Total	1906	959	31	1184	978	28