હવે ગુજરાતમાં પ્રિ-પ્રાઇમરી સ્કૂલોની મનમાની નહીં ચાલે, સરકારે શું લીધો મોટો નિર્ણય?
ગુજરાતમાં પ્રિ-પ્રાઇમરી સ્કૂલોને લઈને રાજ્ય સરકાર મોટો નિર્ણય લીધો છે. પ્રિ- પ્રાઇમરી સ્કૂલો પર નિયંત્રણ માટે રેગ્યુલેટરી ઓથોરિટી બનાવાશે. પ્રિ પ્રાઇમરી સ્કૂલ ખોલવા, ફ્રી નક્કી કરવા મંજૂરી લેવી પડશે.
ગાંધીનગરઃ ગુજરાતમાં પ્રિ-પ્રાઇમરી સ્કૂલોને લઈને રાજ્ય સરકાર મોટો નિર્ણય લીધો છે. પ્રિ- પ્રાઇમરી સ્કૂલો પર નિયંત્રણ માટે રેગ્યુલેટરી ઓથોરિટી બનાવવામાં આવશે. પ્રિ પ્રાઇમરી સ્કૂલ ખોલવા, ફ્રી નક્કી કરવા મંજૂરી લેવી પડશે. આ ઉપરાંત દર ત્રણ વર્ષે પ્રિ-પ્રાઇમરી સ્કૂલની મંજૂરી રીન્યુ પણ કરાવવી પડશે. પ્રિ પ્રાઇમરી સ્કૂલોનો પુરા રાજ્યમાં એક સરખો કોર્સ ડિઝાઇન કરવામાં આવશે. પ્રિ પ્રાઇમરી સ્કૂલો અંગેના નવા નિયમો નવી શિક્ષણ નીતિ અંતર્ગત વર્ષ 2023થી લાગુ કરાય તેવી શક્યતા છે.
Gujarat Rain : સૌરાષ્ટ્ર પર મેઘરાજા મહેરબાન, માણાવદર-ખાંભામાં 3-3 ઇંચ વરસાદ ખાબક્યો
અમદાવાદઃ ગુજરાતમાં ચોમાસાની ધમાકેદાર શરૂઆત થઈ ગઈ છે. ગઈ કાલે રાજ્યના 105 તાલુકામાં વરસાદ નોંધાયો હતો. જેમાં સૌથી વધુ વરસાદ સૌરાષ્ટ્રમાં નોંધાયો હતો. ગઈ કાલે જૂનાગઢના માણાવદર અને અમેરલીના ખાંભામાં 3-3 ઇંચ વરસાદ ખબાક્યો હતો. આ સિવાય ગીર ગઢડા, સાવરકુંડલા અને રાણાવાવમાં બે ઇંચ આસપાસ વરસાદ ખાબક્યો હતો.
જ્યારે છોટાઉદેપુરના ક્વાંટ, કુતિયાણા, પોરબંદર, બોડેલી, નખત્રાણા, વાલિયા, મહુવા, કપરાડા, વડિયા, ખંભાત તાલુકામાં એક ઇંચથી દોઢ ઇંચ જેટલો વરસાદ ખાબક્યો હતો. તો સંજેલી, ધ્રોલ, કોડીનાર, બાલાસિનોર, ધરમપુર, મેઘરજ, ઉપલેટા, છોટાઉદેપુર, બાયડ, માંગરોળ, વાંસદા, જાંબુઘોડા, વડગામ, મોડાસા, ફેતપુરામાં અડથાથી પોણા ઇંચ જેટલો વરસાદ ખાબક્યો હતો.
આ ઉપરાંત તળાજા, વેરાવળ, બગસરા, મુન્દ્રા, પારડી, લિલિયા, ભેસાણ, જેતપુર, માંડવી, ડાંગ, લાલપુર, સૂત્રાપાડા, ડેસર, અમરેલી, પાલિતાણા, અંજાર, ડભોઈ, વિસનગર અને તલોદ સહિતના વિસ્તારોમાં પણ વરસાદી ઝાપટા પડ્યા હતા.
ટ્રેન્ડિંગ સમાચાર
ટોપ સ્ટોરી
