ગુજરાતમાં ક્યા વિસ્તારમાં હજુ પણ પડશે વરસાદ ? જાણો હવામાન ખાતાની આગાહી શું કહે છે ?

અંદામાનના દરિયામાં લો પ્રેશર સક્રિય થયું છે તેના કારણે વરસાદ પડશે પણ આ લો પ્રેશરની આખા ગુજરાતને અસર નહિ થાય પણ દક્ષિણ ગુજરાતના એક વિસ્તારમાં સામાન્ય વરસાદી ઝાપટા પડશે.

પ્રતિકાત્મક તસવીર.

અમદાવાદઃ ગુજરાતમાં વરસાદ બંધ થઈ ગયો છે તેથી આખા રાજ્યમાંથી ચોમાસુ વિદાય થઈ ગયું છે અને હવે વરસાદ નહી પડે એવું મનાય છે પણ હવામાન ખાતાએ આગાહી કરી છે કે ગુજરાતમાં હજુ વરસાદ પડશે. હવામાના ખાતાની આગાહી પ્રમાણે દક્ષિણ ગુજરાતમાં વરસાદ પડશે. અંદામાનના દરિયામાં લો પ્રેશર સક્રિય થયું છે તેના કારણે વરસાદ પડશે પણ આ લો પ્રેશરની આખા ગુજરાતને અસર નહિ થાય પણ દક્ષિણ ગુજરાતના એક વિસ્તારમાં સામાન્ય વરસાદી ઝાપટા પડશે. બીજી તરફ સૌરાષ્ટ્ર કચ્છ ,ઉત્તર અને મધ્ય ગુજરાતમાંથી ચોમાસાની વિદાય તઈ ચૂકી છે તેથી દક્ષિણ ગુજરાતમાં આ વરસાદી ઝાપટાં પછી આગામી દિવસોમાં રાજ્યભરમાંથી ચોમાસુ વિદાય લેશે. હવામાન ખાતાની આગાહી પ્રમાણે રાજ્યમાં 15 નવેમ્બરથી શિયાળાની શરુઆત થશે અને ઠંડીનો ચમકારો વર્તાવા માંડશે. હાલમાં ઉત્તર તરફના પવન ફૂંકાતા મહત્તમ તાપમાન વધી રહ્યું છે અને લઘુતમ તાપમાન ઘટી રહ્યું છે. તેના કારણે વહેલી સવારે ઠંડી અને દિવસે ગરમીનો અહેસાસ થઈ રહ્યોં છે ફણ 15 નવેમ્બરથી રાજ્યમાં ઠંડીનો ચમકારો વર્તાવા માંડશે.