અમૃતસરઃ ગેંગસ્ટર જનરલની હત્યા પાછળ બંબીહા ગ્રુપનો હાથ, ફેસબુક પોસ્ટ લખીને જવાબદારી લીધી

અમૃતસરના સથિયાલામાં બંબીહા ગેંગના સભ્યો દ્વારા ગેંગસ્ટર જરનૈલની હત્યા કરવામાં આવી હતી. આ ટોળકીએ ફેસબુક પોસ્ટ લખીને હત્યાની જવાબદારી લીધી છે

ગેંગસ્ટર જરનૈલની હત્યા

Gangster Jarnail Murder: અમૃતસરના સથિયાલામાં બંબીહા ગેંગના સભ્યો દ્વારા ગેંગસ્ટર જરનૈલની હત્યા કરવામાં આવી હતી. આ ટોળકીએ ફેસબુક પોસ્ટ લખીને હત્યાની જવાબદારી લીધી છે. બુધવારે (25 મે)ના રોજ ચાર શૂટરોએ ગેંગસ્ટર જરનૈલની ગોળી મારીને હત્યા કરી હતી.

ફેસબુક પોસ્ટમાં બંબીહાએ જણાવ્યું કે જરનૈલની હત્યા ગોપી મહેલ ગેંગ દ્વારા કરવામાં આવી હતી, જે અમારી સાથે જોડાયેલી છે, ગોપી મહેલ ક્યારેય જરનૈલ સિંહના પક્ષમાં ન હતો, અને પોસ્ટમાં એમ પણ લખ્યું હતું કે જરનૈલ સિંહ અમારી દુશ્મન જગ્ગુ કોળી ગેંગનો છે.

હત્યા સીસીટીવીમાં કેદ થઈ હતી

અમૃતસરના સથિયાલા ગામના રહેવાસી ગેંગસ્ટર જરનૈલ સિંહની બુધવારે (25 મે) ના રોજ ચાર માસ્ક પહેરેલા હુમલાખોરો દ્વારા ગોળી મારીને હત્યા કરવામાં આવી હતી. અંધાધૂધ ફાયરિંગમાં એક વ્યક્તિ ઘાયલ પણ થયો હતો. ઘટના સીસીટીવીમાં કેદ થઇ છે. ફૂટેજમાં ચાર માસ્ક પહેરેલા બદમાશો આવતા દેખાઈ રહ્યા છે અને જરનૈલને જોતા જ તેના પર ગોળીઓ ચલાવવાનું શરૂ કરી દે છે. પોલીસ સૂત્રોના જણાવ્યા અનુસાર બદમાશોએ લગભગ બે ડઝન રાઉન્ડ ફાયરિંગ કર્યું હતું.

ડીએસપી હરકૃષ્ણ સિંહે જણાવ્યું હતું કે જરનૈલને ગોળી માર્યા બાદ નજીકની હોસ્પિટલમાં લઈ જવામાં આવ્યો હતો, જ્યાં ડોક્ટરોએ તેને મૃત જાહેર કર્યો હતો. પોલીસે મૃતદેહનો કબજો લઈ પોસ્ટમોર્ટમ માટે મોકલી આપ્યો હતો. હુમલાખોરો મારુતિ સ્વિફ્ટ કારમાં આવ્યા હતા.

જરનૈલ જામીન પર બહાર હતો

જરનૈલ સિંહ આ જામીન પર બહાર હતા. જરનૈલ સામે છેડતી અને ફાયરિંગના ચાર કેસ નોંધાયા હતા. તેની સામે આર્મ્સ એક્ટ હેઠળ પણ કેસ નોંધવામાં આવ્યો હતો.જરનૈલ જગ્ગુ કોળી ગેંગ સાથે સંકળાયેલો હતો. જો કે અગાઉના અહેવાલમાં દાવો કરવામાં આવ્યો હતો કે તેનું ગોપી મહેલ ગેંગ સાથે કનેક્શન છે, પરંતુ બંબીહા ગેંગે પોસ્ટ લખીને સ્પષ્ટ કર્યું છે કે જરનૈલનું જગ્ગુ કોળી ગેંગ સાથે કનેક્શન છે.

Crime News: સુરતના અમરોલીમાં હેર ટ્રીટમેન્ટના નામે સગીરાની છેડતી, પોલીસે ગુનો નોંધી તપાસ શરૂ કરી

સુરતના અમરોલીમાં સગીરાની છેડતી કરવાનો પ્રયાસ કરવાની ઘટના બની હતી. મળતી જાણકારી અનુસાર, શહેરના અમરોલી છાપરાભાઠામાં શખ્સે હેર ટ્રીટમેન્ટના બહાને ઘરે આવી સગીરાની સાથે અડપલા કર્યા હતા. બાદમાં સગીરાને કોઇને વાત કરીશ તો જાનથી મારી નાખવાની ધમકી પણ આપી હતી.

 આ અંગે પીડિતાના પરિવારે અમરોલી પોલીસમાં અરજી આપી હતી. પીડિતાની ફરિયાદ બાદ પોલીસે ગુનો નોંધી તપાસ શરૂ કરી હતી. પોલીસે સીસીટીવીના આધારે આરોપીની શોધખોળ શરૂ કરી હતી. અરજીના આધારે તપાસ કરી અમરોલી પોલીસે છેડતી અને પોક્સો એકટની કલમ હેઠળ ગુનો નોંધ્યો હતો.