યુવતી સાથે બંધાયો પ્રેમ સંબંધ, સગાઇ ના થતાં યુવકે જે કર્યું તે સાંભળી ચોંકી જશો

ભાવનગરમાં એક યુવકે ઝેરી દવા પીને આત્મહત્યા કરી લીધી હતી

મૃતક યુવક

ભાવનગરમાં એક યુવકે ઝેરી દવા પીને આત્મહત્યા કરી લીધી હતી. મળતી જાણકારી અનુસાર, ભાવનગર જિલ્લાના અધેલાઈ ખાતે એક યુવકે પ્રેમ સંબંધમાં યુવતી સાથે સગાઇ ના થતા આત્મહત્યા કરી લીધી હતી. રોશન તલાવીયા નામના યુવકે યુવતીના ઘર સામે જ કરી ઝેરી દવા પીને આપઘાત કરી લીધો હતો. યુવકે આત્મહત્યા કરતા પહેલા વીડિયો બનાવ્યો હતો જેમાં તેણે બે-ત્રણ વ્યક્તિઓ પર ગંભીર આરોપ લગાવ્યા હતા.

મળતી માહિતી અનુસાર, ભાવનગર જિલ્લાના અધેલાઈ ખાતે રહેતા રોશનભાઈ દિનેશભાઈ તલાવીયાને એક યુવતી સાથે પ્રેમ સંબંધ હતો. અગાઉ તે યુવતી ભાગીને રોશનના ઘરે રહેવા જતી રહી હતી પરંતુ તે સમયે યુવતીના પિતાએ બંન્નેની સગાઇ કરી આપવામાં આવશે તેમ કહીને યુવતીને ઘરે પરત લઇ ગયા હતા.

જોકે ત્યારબાદ યુવતીના પિતાએ સગાઇ કરવાની ના પાડતા રોશને યુવતીના ઘર સામે આવીને ઝેરી દવા પી લીધી હતી.  આત્મહત્યા કરતા પહેલા રોશને એક વીડિયો બનાવ્યો હતો જેમાં તેના મોત પાછળ બેથી ત્રણ લોકોને જવાબદાર ગણાવી રહ્યો છે. રોશનને સારવાર માટે સર ટી હોસ્પિટલ ખાતે લઈ જવામાં આવ્યો હતો પરંતુ સારવાર દરમિયાન તેનું મોત થયું હતું.

ઉલ્લેખનીય છે કે તાજેતરમાં જ વડોદરામાં સામૂહિક આત્મહત્યાની ઘટના બની હતી. કાછિયાપોળ બાબાજીપુરા રાવપુરા વિસ્તારમાં પંચાલ પરિવારે સામૂહિક આત્મહત્યા કરી હતી. પોલીસ તપાસમાં પુત્ર મિતુલે આત્મહત્યા કરવાના ઉપાયો મોબાઈલ ફોન ઉપર સર્ચ કર્યા હોવાનો ખુલાસો થયો હતો. મૃતક મિતુલના ફોનની તપાસ થતા વિગતો બહાર આવી હતી. આર્થિક સંકડામણના કારણે પરિવારે આત્મહત્યા કરી હોવાનો ખુલાસો થયો હતો. પોલીસે આપઘાત બાદ ઘરમાંથી ડાયરી ચોપડા અને મોબાઈલ સહિત અન્ય ચીજ વસ્તુઓ કબજે કરી હતી.

પુત્ર મિતુલના હાથ બંધાયેલા હતા અને ગળેફાંસો ખાઇ આત્મ હત્યા કરી હોવાનું ખુલ્યું હતું.  માતાએ ઝેરી દવા ગટગટાવી હતી તો પિતાએ ગળે બ્લેડના ઘા મારતા ઘાયલ થયા હતા. સયાજી હોસ્પિટલમાં ટૂંકી સારવાર બાદ મુકેશભાઈનું પણ મોત નીપજ્યું હતું.