Bhavnagar Rain: મહુવા પંથકમાં જળબંબાકાર, ધોધમાર વરસાદથી અનેક વિસ્તારોમાં ભરાયા પાણી
હવામાન વિભાગની વરસાદની આગાહી વચ્ચે ભાવનગર જિલ્લામાં ધોધમાર વરસાદની શરુઆત થઈ છે. ભાવનગરના મહુવા પંથકમાં ભારે વરસાદ વરસ્યો છે.
- ભાવનગરમાં ધોધમાર વરસાદ; મહુવા, સિહોરના અનેક વિસ્તારો જળબંબાકાર.
- વલસાડમાં બીજા દિવસે વરસાદ, ગરનાળામાં પાણી ભરાતા માર્ગો બંધ.
- દક્ષિણ ગુજરાતમાં ગઇકાલે ભારે વરસાદ થયો, ખેડૂતો ખુશ થયા.
- હવામાન વિભાગે દક્ષિણ ગુજરાતમાં આગામી દિવસોમાં ભારે વરસાદની આગાહી.
ભાવનગર: હવામાન વિભાગની વરસાદની આગાહી વચ્ચે ભાવનગર જિલ્લામાં ધોધમાર વરસાદની શરુઆત થઈ છે. ભાવનગરના મહુવા પંથકમાં ભારે વરસાદ વરસ્યો છે. ધોધમાર વરસાદથી મહુવાના અનેક વિસ્તારોમાં પાણી ભરાયા છે. ગાર્ડન રોડ, કુંભારવાડા, ખારના ઝાપા સહિતના વિસ્તારોમાં પાણી ભરાયા હતા.
મહુવા ગ્રામ્ય પંથકમાં વરસાદ
મહુવા પંથકના ગ્રામ્ય વિસ્તારોમાં પણ વરસાદ વરસ્યો છે. મોટા ખુટવડા, ઉમણીયાવદર, બાંભણિયા સહિતના ગામોમાં વરસાદ વરસ્યો છે. રસ્તાઓ પર પાણી ભરાતા વાહન ચાલકો મુકાયા મુશ્કેલીમાં મૂકાયા છે.
સિહોર તાલુકામાં પણ ધોધમાર વરસાદ
ભાવનગરના મહુવા બાદ સિહોર તાલુકામાં પણ ધોધમાર વરસાદની શરુઆત થઈ છે. વરલ, થોરાળી, રામગઢ, નાની માંડવાળી ગામમાં વરસાદ વરસી રહ્યો છે. વરસાદના આગમનથી ખેડૂતો ખુશખુશાલ થયા છે.
મેઘરાજા વલસાડ જિલ્લા પર મહેરબાન થયા
સતત બીજા દિવસે મેઘરાજા વલસાડ જિલ્લા પર મહેરબાન થયા છે. વલસાડ શહેર અને તાલુકામાં સવારથી જ વરસાદી માહોલ છવાયો છે. વલસાડ શહેરના તિથલ રોડ, હાલર રોડ, સ્ટેશન રોડ વિસ્તારમાં ગાજવીજ સાથે વરસાદ વરસ્યો છે. વરસાદના કારણે છીપવાડ, મોગરાવાડી રેલવે ગરનાળામાં પાણી ભરાઈ ગયા છે. મોગરવાળી ગરનાળું બંધ કરાયું છે. જ્યારે છીપવાડા ગરનાળામાં પાણી ભરાઈ જવાથી 40 ગામના લોકોને હાલાકીનો સામનો કરવાનો વારો આવ્યો છે. તો આ તરફ વાપી, પારડી, કપરાડા, ઉમરગામ, નાના પોન્ડામાં પણ વરસાદી માહોલ છે. ગઈકાલે પણ વલસાડમાં 3.03 ઈંચ, ધરમપુરમાં 2.76 ઈંચ, પારડીમાં 2.40 ઈંચ જ્યારે વાપીમાં 2.20 ઈંચ વરસાદ ખાબક્યો. વાવણી લાયક વરસાદથી ખેડૂતો પણ ખુશખુશાલ બન્યા છે.
આ પણ વાંચો- સતત બીજા દિવસે વલસાડ જિલ્લામાં વરસાદ, ખેડૂતો થયા ખુશખુશાલ
દક્ષિણ ગુજરાતમાં અતિભારે વરસાદની આગાહી
હવામાન વિભાગે કરેલી આગાહી મુજબ 1થી 5 જુલાઈ દરમિયાન દક્ષિણ ગુજરાત વિસ્તારમાં અલગ-અલગ સ્થળોએ ભારે વરસાદની આગાહી કરવામાં આવી છે. આગામી 5થી 6 દિવસ દરમિયાન ચોમાસું વધારે સક્રિય રહેશે અને વરસાદની તીવ્રતામાં વધારો થવાની સંભાવના છે. ગુજરાતમાં ચોમાસું છેલ્લા એક અઠવાડિયાથી ધીમી ગતિએ આગળ વધી રહ્યું હતું તેમાં હવે ગતિમાં વધારો જોવા મળી રહ્યો છે.
ગુજરાતમાં ચોમાસું બરાબર જામ્યું છે. છેલ્લા 24 કલાકમાં રાજ્યના 76 તાલુકાઓમાં સાર્વત્રિક વરસાદ નોંધાયો છે, જેમાં દક્ષિણ ગુજરાત અને સૌરાષ્ટ્રમાં મેઘરાજા ધમાકેદાર બેટિંગ કરી રહ્યા છે. નવસારીમાં સૌથી વધુ 4.53 ઈંચ વરસાદ ખાબક્યો છે.
Before You Go
Jitu Vaghani Praises Nitin Patel : શંકર ચૌધરી બાદ જીતુ વાઘાણીએ નીતિન પટેલના કર્યા ભરપૂર વખાણ
ટોપ સ્ટોરી
ટ્રેન્ડિંગ સમાચાર
