Bhavnagar Rain: હવામાન વિભાગની આગાહી વચ્ચે ભાવનગર શહેરમાં વરસાદની એન્ટ્રી થઈ

ભાવનગર શહેરના વિવિધ વિસ્તારોમાં વરસાદનું આગમન થતાં લોકોને અસહ્ય બફારામાંથી રાહત મળી  છે. 

ભાવનગર શહેરમાં વરસાદ

Source : ABP Asmita

Show Quick Read

Key points generated by AI, verified by newsroom

• ભાવનગર શહેરમાં બપોર બાદ વરસાદ, બફારામાંથી રાહત મળી.
• અમરેલીના સાવરકુંડલામાં સતત પાંચમા દિવસે વરસાદ વરસ્યો.
• સુરત સહિત દક્ષિણ ગુજરાતમાં ભારે વરસાદ, જળભરાવથી હાલાકી.
• હવામાન વિભાગે દક્ષિણ ગુજરાતમાં ભારે વરસાદની આગાહી કરી.

ભાવનગર: હવામાન વિભાગની વરસાદની આગાહી વચ્ચે ભાવનગર શહેરના વાતાવરણમાં પલટો આવ્યો છે. ભાવનગર શહેરમાં બપોર બાદ વાતાવરણમાં  અચાનક બદલાવ થયો અને વરસાદની ધમાકેદાર એન્ટ્રી થઈ છે. શહેરના અલગ-અલગ વિસ્તારોમાં ધીમીધારે વરસાદ વરસ્યો છે.  ભાવનગર શહેરના વિવિધ વિસ્તારોમાં વરસાદનું આગમન થતાં લોકોને અસહ્ય બફારામાંથી રાહત મળી  છે. 

સૌરાષ્ટ્રના અનેક જિલ્લાઓમાં વરસાદની આગાહી

લોકો વરસાદની આતૂરતાથી રાહ જોઈ રહ્યા હતા. ભાવનગર શહેરમાં સાર્વત્રિક વરસાદ વરસ્યો છે. સવારથી જ શહેરમાં વાદળછાયું વાતાવરણ હતું. વરસાદી માહોલ જામતા લોકો પણ ખુશખુશાલ છે. હવામાન વિભાગે આજે સૌરાષ્ટ્રના અનેક જિલ્લાઓમાં વરસાદની આગાહી કરી હતી. ભાવનગર શહેર સિવાય મહુવા તાલુકામાં પણ વરસાદ વરસ્યો છે. જેસરમાં પણ વરસાદની ધમાકેદાર એન્ટ્રી થઈ છે. વરસાદ વરસતા લોકોને અસહ્ય ગરમીથી રાહત મળી છે.  

અમરેલી જિલ્લામાં પણ જામ્યો વરસાદી માહોલ

અમરેલી જિલ્લામાં પણ વરસાદ વરસ્યો છે. અમરેલીના સાવરકુંડલામાં વરસાદની ધમાકેદાર એન્ટ્રી થઈ છે. અમરેલી જિલ્લામાં સતત પાંચમા દિવસે વરસાદ વરસ્યો છે.  અમરેલીના સાવરકુંડલા ગ્રામ્ય વિસ્તારમાં વરસાદ વરસ્યો છે.  સાવરકુંડલા શહેર અને ગ્રામ્ય વિસ્તારમાં વરસાદ વરસ્યો છે. સાવરકુંડલાના વીજપડી, ખડસલી, નવાગામ, છાપરી સહિતના ગામમાં વરસાદ વરસ્યો છે.  વીજપડી ગામે ધોધમાર વરસાદથી રોડ-રસ્તા  પાણી-પાણી થયા હતા. પાંચમા દિવસે વરસાદ વરસતા સાવરકુંડલા પંથકના ખેડૂતો ખુશખુશાલ છે.  આગોતરૂ વાવેતર કરનારા ખેડૂતોને વરસાદથી  ફાયદો થશે. 

સુરત શહેરમાં વરસાદની ધમાકેદાર એન્ટ્રી થઈ

દક્ષિણ ગુજરાતના વિવિધ જિલ્લાઓમાં અસહ્ય ગરમી અને ઉકળાટ વચ્ચે પ્રિ-મોનસૂન એક્ટિવિટી અંતર્ગત મેઘરાજાએ ધમાકેદાર બેટિંગ શરૂ કરી છે. સુરત, નવસારી, વલસાડ અને તાપી જિલ્લામાં સવારથી જ ગાજવીજ સાથે ધોધમાર વરસાદ તૂટી પડ્યો છે.

સુરત શહેરમાં આજે અડધો ઈંચ, અરેઠમાં એક ઈંચ જ્યારે મજુરાગેટ, ઉધના અને લિંબાયત જેવા વિસ્તારોમાં ધોધમાર વરસાદ વરસ્યો હતો. સામાન્ય વરસાદના કારણે ડિંડોલીના ભીમનગર રેલવે ગરનાળામાં તેમજ ઉધના અને લિંબાયતને જોડતા રેલવે અંડરપાસમાં પાણી ભરાઈ ગયા હતા. ઉધના દરવાજા સામેના મુખ્ય માર્ગો નદીમાં ફેરવાઈ જતાં વાહનચાલકો ભારે હાલાકીમાં મુકાયા હતા. 

આ પણ વાંચો- Gujarat Rain: ગાજવીજ અને ભારે પવન સાથે ગુજરાતના આ જિલ્લાઓમાં તૂટી પડશે વરસાદ

વરસાદની આગાહી

રાજ્યના હવામાન વિભાગ દ્વારા વરસાદને લઈ ફરી એક વખત લેટેસ્ટ આગાહી કરવામાં આવી છે.  એક સપ્તાહ દક્ષિણ ગુજરાતમાં ભારે વરસાદની આગાહી હવામાન વિભાગે કરી છે.  દક્ષિણ ગુજરાતમાં ભારે વરસાદની આગાહીને પગલે હવામાન વિભાગે યલો એલર્ટ આપ્યું છે. ગાજવીજ અને પવન સાથે દક્ષિણ ગુજરાતમાં વરસાદ વરસશે. સૌરાષ્ટ્ર- કચ્છમાં એક સપ્તાહ સામાન્ય વરસાદ વરસશે.  ટ્રફ પસાર થતો હોવાથી રાજ્યમાં વરસાદની આગાહી કરવામાં આવી છે.