Budget 2025: બેન્ક FDથી મળતાં ઇન્ટરેન્ટ પર TDSની સીમા વધારી, જાણો હવે કેટલી રકમ બાદ કપાશે
Income Tax Budget 2025: નાણામંત્રી નિર્મલા સીતારમણે પણ 2025-26ના બજેટમાં યુવાનોને ખુશ કર્યા છે. બેંકમાં FD પર મળતા વ્યાજ પર TDS મર્યાદા વધારવામાં આવી છે.
Bank FD TDS: વરિષ્ઠ નાગરિકોને બેંક એફડીમાંથી મળતા વ્યાજ પરના ડિસ્કાઉન્ટ વિશે ઘણી ચર્ચા થઇ રહી છે. નાણામંત્રી નિર્મલા સીતારમણે પણ 2025-26ના બજેટમાં યુવાનોને ખુશ કર્યા છે. બેંકમાં FD પર મળતા વ્યાજ પર TDS મર્યાદા વધારવામાં આવી છે. અગાઉ, બેંક FDમાંથી વ્યાજ દ્વારા મળેલી 40 હજાર રૂપિયા સુધીની આવક પર TDS કાપવામાં આવતો ન હતો. હવે તે વધારીને 50 હજાર કરવામાં આવી છે. આનો અર્થ એ છે કે હવે બેંકો 50 હજાર રૂપિયાથી ઓછી કમાણી પર આપમેળે ટીડીએસ કાપશે નહીં.
જો FD વ્યાજની આવક રૂ. 50 હજારથી વધુ હોય તો જ બેન્કો TDS કાપશે અને આવકવેરા વિભાગને જાણ કરશે. જો બેંક પાસે પાન કાર્ડ નંબર ઉપલબ્ધ હોય, તો 10 ટકા TDS કાપવામાં આવે છે. જો બેંક પાસે PAN કાર્ડ ઉપલબ્ધ નથી, તો FD વ્યાજની કરપાત્ર આવક પર 20 ટકા TDS કાપવામાં આવે છે. 60 વર્ષથી નીચેના દરેકને તેનો લાભ મળશે.
1 એપ્રિલ, 2025 થી અમલમાં આવશે
ભારત સરકારે 60 વર્ષથી ઓછી ઉંમરના લોકો માટે બેંક FDથી થતી કમાણી પર TDSની મર્યાદા વધારી છે, તે 1 એપ્રિલથી લાગુ કરવામાં આવશે. બેંક FDમાં TDS પર વરિષ્ઠ નાગરિકો માટે ઉપલબ્ધ મુક્તિની મર્યાદા આ બધાથી અલગ છે. બેંકો દ્વારા સમયાંતરે તેની અલગથી જાહેરાત પણ કરવામાં આવે છે.
લોકોના હાથમાં વધુ રોકડ મૂકવાની પહેલ
બજેટની અન્ય જોગવાઈઓ અને બેંક એફડી પર ટીડીએસ મર્યાદામાં વધારો એ પણ સ્પષ્ટ કરી દીધું છે કે સરકાર મધ્યમ વર્ગમાંથી ટેક્સમાં ઘટાડો કરીને લોકોના હાથમાં વધુને વધુ રોકડ આપવા માંગે છે.
ટ્રેન્ડિંગ સમાચાર
ટોપ સ્ટોરી
