હવે વૃદ્ધોને 10 હજાર રૂપિયા પેન્શન આપશે મોદી સરકાર, 10 વર્ષ સુધી મળશે લાભ

નવી દિલ્હીઃ વરિષ્ઠ નાગરિકોને સામાજિક સુરક્ષા માટે કેન્દ્ર સરકારે વડાપ્રધાન વંદન યોજના (પીએમવીવીઆઇ)માં કેટલાક મહત્વપૂર્ણ ફેરફારો કર્યા છે. આ ફેરફારોને સરકારનું મોટુ પગલુ તરીકે જોવામાં આવે છે. સરકારે પીએમવીવીઆઇના રોકાણની રકમ વધારીને 15 લાખ રૂપિયા કરી દીધી છે. આની સાથે જ હવે વરિષ્ઠ નાગરિકોને દર મહિને 10,000 રૂપિયા પેન્શન મળવાનો રસ્તો ચોખ્ખો થઇ ગયો છે. પહેલા આ રકમનું મેક્સિમમ લેવલ 7.5 લાખ રૂપિયા હતું. આ નિર્ણય પીએમ મોદીની અધ્યક્ષતામાં થયેલી કેબિનેટ મીટિંગ બાદ લેવામાં આવ્યો છે. આ યોજનામાં સભ્ય બનવા માટેની અંતિમ તારીખ પણ લંબાવી દીધી છે. પહેલા આની અંતિમ તારીખ 4 મે, 2018 હતી હવે આને 31 માર્ચ, 2020 સુધી 60 વર્ષથી વધુની ઉંમર વાળા લોકો આ યોજનાના સભ્ય બની શકે છે. કાયદા મંત્રી રવિશંકર પ્રસાદે આ ફેરફારની સ્પષ્ટતા કરતા કહ્યું કે, વરિષ્ઠ નાગરિકોની સામાજિક સુરક્ષા કવર વધારવા માટે સરકાર તરફથી આ પગલુ ભરવામાં આવ્યું છે. અત્યારે 2.23 લાખ વરિષ્ઠ નાગરિકો આ યોજનાનો લાભ લઇ રહ્યાં છે, આ અંતર્ગત તેમને દર મહિને 1000 રૂપિયા મળે છે. શું છે પીએમવીવીઆઇ યોજનાઃ - 60 વર્ષથી વધુની ઉંમર વાળા લોકો માટે શરૂ કરવામાં આવેલી પીએમવીવીઆઇ યોજના એલઆઇસી દ્વારા પુરી થશે. આ યોજનાના સભ્યને 8 ટકા રિટર્નની સાથે દસ વર્ષ સુધી 10,000 રૂપિયા પેન્શન મળતુ રહેશે. સભ્ય આ પેન્શનને દરેક મહિનામાં, ત્રણ મહિના, છ મહિના કે 1 વર્ષમાં લઇ શકે છે. આ ઉપરાંત એલઆઇસી જો 8 ટકા રિટર્ન આપવામાં સફળ નથી થતી તો સરકાર તેની ભરપાઇ કરશે અને સબસિડી આપશે.