Air India ની ફ્લાઈટમાં આલ્કોહોલ સર્વિસમાં મોટો ફેરફાર, મુસાફરી કરતા પહેલા જાણો લો નવો નિયમો

આ સમગ્ર મામલે કર્મચારીઓના સંગઠનોએ ડીજીસીએને પાયલોટનું સસ્પેન્શન રદ કરવાની અપીલ કરી છે.

પ્રતિકાત્મક તસવીર

Tata Group: જો તમે પણ વારંવાર ફ્લાઈટમાં મુસાફરી કરતા હોવ તો આ સમાચાર તમારા માટે ઉપયોગી છે. ગત દિવસોમાં પેશાબની ઘટના બાદ એર ઈન્ડિયાએ હવે તેની આલ્કોહોલ સેવામાં મોટો ફેરફાર કર્યો છે. નવી નીતિમાં, કેબિન ક્રૂને જ્યારે જરૂર પડે ત્યારે સમજદારીપૂર્વક દારૂ પીરસવાનું કહેવામાં આવ્યું છે. આ ફેરફાર બાદ હવાઈ મુસાફરી દરમિયાન આલ્કોહોલ સુરક્ષિત રીતે સર્વ કરવામાં આવશે. એર ઈન્ડિયા વતી કહેવામાં આવ્યું હતું કે મુસાફરોને ફરીથી દારૂ પીરસવાનો ઈન્કાર કરવા માટે સમજદારીભર્યું કામ કરવામાં આવશે.

લાયસન્સ સસ્પેન્શન ઓર્ડર રદ કરવા માટે અપીલ

બીજી તરફ આ સમગ્ર મામલે કર્મચારીઓના સંગઠનોએ ડીજીસીએને પાયલોટનું સસ્પેન્શન રદ કરવાની અપીલ કરી છે. ઉડ્ડયન ક્ષેત્રના છ કર્મચારીઓના સંગઠનોના સંયુક્ત ફોરમે નાગરિક ઉડ્ડયન મહાનિર્દેશાલય (DGCA)ને એર ઈન્ડિયા પેશાબ કૌભાંડમાં એરક્રાફ્ટના મુખ્ય પાઈલટનું લાઇસન્સ સસ્પેન્ડ કરવાના આદેશને રદ કરવા અપીલ કરી હતી. ન્યૂયોર્ક-દિલ્હી ફ્લાઇટ દરમિયાન એક મહિલા સહ-પ્રવાસી પર કથિત રીતે પેશાબ કરવાની ઘટનાના સંદર્ભમાં DGCAએ એર ઇન્ડિયા પર 30 લાખ રૂપિયાનો દંડ ફટકાર્યો હતો.

આ ઉપરાંત, 26 નવેમ્બર, 2022 ના રોજ બનેલી આ ઘટનાના સંદર્ભમાં તેમની ફરજો નિભાવવામાં નિષ્ફળ રહેવા બદલ એર ઈન્ડિયાના ફ્લાઇટ સર્વિસીસના ડિરેક્ટર પર 3 લાખ રૂપિયાનો દંડ પણ લગાવવામાં આવ્યો હતો. ડીજીસીએને મોકલવામાં આવેલા પત્રમાં સંયુક્ત ફોરમે વિવિધ પાસાઓને ટાંકીને ડીજીસીએને ચીફ પાઇલટનું સસ્પેન્શન અને કડક સજા પાછી ખેંચવાની અપીલ કરી હતી.

અપીલ કરનાર સંગઠનોમાં ઈન્ડિયન પાઈલટ્સ ગિલ્ડ, ઈન્ડિયન કોમર્શિયલ પાઈલટ્સ એસોસિએશન, એર કોર્પોરેશન એમ્પ્લોઈઝ યુનિયન, એર ઈન્ડિયા એમ્પ્લોઈઝ એસોસિએશન, ઓલ ઈન્ડિયા કેબિન ક્રૂ એસોસિએશન અને એરલાઈન પાઈલટ્સ એસોસિએશન ઓફ ઈન્ડિયાનો સમાવેશ થાય છે. જોઈન્ટ ફોરમે આ પત્ર ત્યારે મોકલ્યો છે જ્યારે એર ઈન્ડિયાએ કહ્યું કે આ મામલે તપાસ બંધ કરી દેવામાં આવી છે. (ઈનપુટ: પીટીઆઈ તરફથી પણ)

26 નવેમ્બરે એર ઈન્ડિયાની ફ્લાઈટમાં પુરૂષ મુસાફર પર વૃદ્ધ મહિલા પર પેશાબ કરવાનો આરોપ

તમને જણાવી દઈએ કે ગયા વર્ષે 26 નવેમ્બરે એર ઈન્ડિયાની અન્ય એક ફ્લાઈટમાં એક પુરૂષ મુસાફર પર એક વૃદ્ધ મહિલા મુસાફર પર પેશાબ કરવાનો આરોપ લાગ્યો હતો. આ મામલાને લઈને ન્યૂઝ એજન્સી એએનઆઈ અનુસાર, એર ઈન્ડિયાના સીઈઓ સહિત ઘણા અધિકારીઓને આ મામલાની સંપૂર્ણ જાણકારી હતી.

26 નવેમ્બરે ન્યૂયોર્કથી દિલ્હી આવી રહેલી ફ્લાઈટમાં બિઝનેસ ક્લાસમાં બેઠેલી 70 વર્ષની મહિલા પેસેન્જર પર નશામાં શંકર મિશ્રાએ પેશાબ કર્યો હતો. આ કેસમાં પોલીસે આરોપીની 7 જાન્યુઆરીએ બેંગલુરુથી ધરપકડ કરી હતી. મળતી માહિતી મુજબ ઘટનાના 42 દિવસ બાદ તેની ધરપકડ થઈ છે. મુંબઈનો રહેવાસી શંકર સતત ફરાર હતો, ત્યારબાદ તેની સામે લુકઆઉટ નોટિસ જારી કરવામાં આવી હતી. બાદમાં પોલીસે તેના મોબાઈલ લોકેશનના આધારે આરોપીની ધરપકડ કરી હતી.પોલીસે તેની સામે IPC 354,294,509,510 હેઠળ ગુનો નોંધ્યો છે.