BSNL નો 84 દિવસનો સૌથી સસ્તો પ્લાન,  મળશે 252GB ડેટા, જાણો કિંમત  

સરકારી ટેલિકોમ કંપની તેના નેટવર્ક વિસ્તરણ અને સસ્તા પ્લાનને કારણે ખાનગી ટેલિકોમ કંપનીઓ એરટેલ અને જિયોને સખત સ્પર્ધા આપી રહી છે.

પ્રતિકાત્મક તસવીર

Source : તસવીર સોશિયલ મીડિયા

BSNL તેના 4G નેટવર્કને સતત વિસ્તારી રહ્યું છે. સરકારી ટેલિકોમ કંપની તેના નેટવર્ક વિસ્તરણ અને સસ્તા પ્લાનને કારણે ખાનગી ટેલિકોમ કંપનીઓ એરટેલ અને જિયોને સખત સ્પર્ધા આપી રહી છે. BSNL એ તાજેતરમાં દેશભરમાં 50 હજારથી વધુ 4G મોબાઈલ ટાવર લગાવ્યા છે. કેન્દ્રીય સંચાર મંત્રી જ્યોતિરાદિત્ય સિંધિયાએ ઘણી વખત કહ્યું છે કે આવતા વર્ષે જૂન સુધીમાં BSNL સમગ્ર દેશમાં એક લાખ 4G/5G મોબાઈલ ટાવર લગાવશે. આવી સ્થિતિમાં યુઝર્સને આવનારા થોડા મહિનામાં જબરદસ્ત કનેક્ટિવિટી મળવાની છે.

84 દિવસનો રિચાર્જ પ્લાન

BSNL એ તાજેતરમાં જ એક એવો સસ્તો પ્રીપેડ પ્લાન લૉન્ચ કર્યો છે, જેમાં યુઝર્સને 84 દિવસની વેલિડિટી આપવામાં આવે છે. BSNLના આ પ્લાન માટે તમારે 599 રૂપિયા ખર્ચવા પડશે. આ પ્રીપેડ પ્લાનમાં ઉપલબ્ધ લાભો વિશે વાત કરીએ તો, યૂઝર્સને 84 દિવસ માટે કોઈપણ નેટવર્ક પર અનલિમિટેડ  કૉલિંગનો લાભ મળશે. આ ઉપરાંત દિલ્હી અને મુંબઈ સહિત સમગ્ર દેશમાં ફ્રી નેશનલ રોમિંગનો લાભ પણ આપવામાં આવી રહ્યો છે.

આ પ્રીપેડ પ્લાનમાં યુઝર્સને દરરોજ 3GB હાઈ સ્પીડ ઈન્ટરનેટ ડેટા અને 100 ફ્રી SMS ઓફર કરવામાં આવી રહ્યા છે. આ રીતે યુઝર્સને કુલ 252GB હાઈ સ્પીડ ઈન્ટરનેટનો લાભ મળશે. કંપની આ પ્રીપેડ પ્લાન સાથે ઘણી વેલ્યુ એડેડ સેવાઓ પણ ઓફર કરી રહી છે. BSNL યુઝર્સ સેલ્ફ કેર એપ દ્વારા તેમનો નંબર રિચાર્જ કરી શકે છે.

Unleash Unlimited Fun for 84 Days!

With ₹599, enjoy 252GB data and access to non-stop entertainment—games, music, videos, and so much more.#RechargeNow #STV599 #BSNLIndia #BSNL #UnlimitedFun #ConnectingBharat #X #switchtobsnl pic.twitter.com/56SvmuEQck

— BSNL India (@BSNLCorporate) December 7, 2024

વિન્ટર બોનાન્ઝા ઓફર

BSNLના અન્ય સમાચારોની વાત કરીએ તો, કંપનીએ તાજેતરમાં વિન્ટર બોનાન્ઝા ઓફરની જાહેરાત કરી છે. કંપનીએ આ ઓફર તેના ભારત ફાઈબર બ્રોડબેન્ડ યુઝર્સ માટે લોન્ચ કરી છે. આમાં યુઝર્સને 1,999 રૂપિયામાં 6 મહિના માટે અનલિમિટેડ ફ્રી ઈન્ટરનેટ ડેટા ઓફર કરવામાં આવી રહ્યો છે. આ પ્લાનમાં FUP એટલે કે ફેર યુઝેજ પોલિસી હેઠળ ભારત ફાઈબર બ્રોડબેન્ડ યુઝર્સને દર મહિને 1,300GB હાઈ સ્પીડ ડેટા ઓફર કરવામાં આવી રહ્યો છે. આ પછી યુઝર્સને 4Mbpsની સ્પીડ પર અનલિમિટેડ ઈન્ટરનેટ ડેટા મળશે.