Share Market: ટ્રમ્પે ફરી બગાડી માર્કેટની ચાલ, ઓપનિંગમાં જ ધડામ થયું શેર બજાર

ગુરુવારે ખુલતાની સાથે જ શેરબજાર તૂટી પડ્યું. શરૂઆતના કારોબારમાં સેન્સેક્સ અને નિફ્ટીમાં લગભગ 1.5 ટકાનો ઘટાડો થયો. ટ્રમ્પના ભાષણ પછી, બજારમાં ભારે વેચવાલી જોવા મળી. સેન્સેક્સ લગભગ 1,500 પોઈન્ટના ઘટાડા સાથે ખુલ્યો.

શેર બજાર ડાઉનમાં ખુલ્યું

Source : ABP Majha

Share Market: અમેરિકાના રાષ્ટ્રપતિ ડોનાલ્ડ ટ્રમ્પના ભાષણમાં યુદ્ધ તાત્કાલિક બંધ નહીં થાય તેવા સંકેત મળ્યા બાદ સમગ્ર એશિયન બજાર ડાઉન થઇ  ગયું.. ક્રૂડ ઓઇલના ભાવ $105 સુધી વધી ગયા હતા, જેની અસર ગુરુવારે ભારતીય શેરબજાર પર સ્પષ્ટપણે દેખાઈ હતી. ગુરુવારે ખુલતાની સાથે જ દલાલ સ્ટ્રીટ ક્રેશ થઈ હતી. જ્યારે બજારના મુખ્ય સૂચકાંકો, સેન્સેક્સ અને નિફ્ટી 50, બુધવારે 1.5 ટકાથી વધુના વધારા સાથે બંધ થયા હતા, ત્યારે આજે ખુલતાની સાથે જ તેમાં લગભગ 1.5 ટકાનો ઘટાડો થયો હતો. સેન્સેક્સ લગભગ 1500 પોઈન્ટના ઘટાડા સાથે ખુલ્યો હતો.

30 શેર ધરાવતો BSE Sensex ઇન્ડેક્સ 872.27 પોઇન્ટ અથવા 1.19 ટકાની ઘટાડા સાથે ખુલ્યો હતો. દિવસની શરૂઆત સેન્સેક્સે 72,262.05ના સ્તરે કરી હતી. ત્યારે Nifty 50 એ પણ નેગેટિવ શરૂઆત કરી હતી. નિફ્ટી 50 296.00 પોઇન્ટ અથવા 1.31 ટકા ઘટીને 22,383.40ના સ્તરે ખુલ્યો હતો.

સવારે લગભગ 9:20 વાગ્યા સુધી, BSE Sensex 1401 અંકના ઘટાડા સાથે 71,733 અંક પર ટ્રેડ કરી રહ્યો હતો. ત્યારે Nifty 50 456 અંક ઘટીને 22,222ના સ્તરે ટ્રેડ થઈ રહ્યો હતો.

બીએસઈના ટોપ ગેનર અને લૂઝર

Bombay Stock Exchange (BSE) બાસ્કેટમાંથી માત્ર HCL Technologies ના શેરોમાં તેજી જોવા મળી હતી. જ્યારે Sun Pharma, IndiGo, Adani Ports, Eternal Ltd અને Larsen & Toubro ટોપ લૂઝર રહ્યા હતા.

 બુધવારે માર્કેટ કેવું રહ્યું હતું?

ભારતીય શેર બજારમાં બુધવાર, 1 એપ્રિલના ટ્રેડિંગ દિવસે જોરદાર તેજી જોવા મળી હતી. મુખ્ય બેન્ચમાર્ક ઇન્ડેક્સ BSE Sensex અને Nifty 50 લીલા નિશાનમાં ટ્રેડ કરતા દિવસના અંતે બંધ થયા હતા.સેન્સેક્સ 1186.77 અંક અથવા 1.65%ની તેજી સાથે 73,134.32 પર બંધ થયો હતો. જ્યારે નિફ્ટી 50 348.00 અંક અથવા 1.56% વધીને 22,679.40ના સ્તરે બંધ થયો હતો.

Bombay Stock Exchange (BSE) બાસ્કેટમાંથી Trent Ltd, IndiGo, Adani Ports, State Bank of India અને Eternal Ltd ટોપ ગેનર રહ્યા હતા.

જ્યારે ટોપ લૂઝરની વાત કરીએ તો NTPC, Sun Pharma, Power Grid Corporation અને Bharti Airtel રહ્યા હતા.

Nifty 100, Nifty Auto, Nifty Smallcap 100, Nifty FMCG, Nifty Bank, Nifty IT અને Nifty Midcap 100 ના શેરોમાં તેજી જોવા મળી હતી.

બુધવારના ટ્રેડિંગ દિવસે BSE બાસ્કેટમાંથી 25 શેર લાલ નિશાનમાં બંધ થયા હતા, જ્યારે 5 શેરોમાં તેજી નોંધાઈ હતી.

બીએસઈ બાસ્કેટમાં ટોપ ગેનર અને લૂઝર

બીએસઈ બાસ્કેટમાંથી Trent Ltd, IndiGo, Adani Ports, State Bank of India અને Eternal Ltd ટોપ ગેનર રહ્યા હતા. જ્યારે ટોપ લૂઝરમાં NTPC, Sun Pharma, Power Grid Corporation અને Bharti Airtel રહ્યા હતા.