સોનાના ભાવમાં મોટો ઘટાડો, ચાંદી પણ થઈ ગઈ સસ્તી, જાણો આજની લેટેસ્ટ કિંમત
બુધવારે દિલ્હી બુલિયન બજારમાં 99.9 ટકા શુદ્ધતા ધરાવતા સોનાના ભાવ તેના ઓલ ટાઈમ હાઈથી 1,300 રૂપિયા ઘટીને 1,13,800 રૂપિયા પ્રતિ 10 ગ્રામ થયા.
Gold Rate 17 September: યુએસ ફેડરલ રિઝર્વના નીતિગત નિર્ણય પહેલા રોકાણકારોએ પ્રોફિટ બુકિંગ કરતા બુધવારે દિલ્હી બુલિયન બજારમાં 99.9 ટકા શુદ્ધતા ધરાવતા સોનાના ભાવ તેના ઓલ ટાઈમ હાઈથી 1,300 રૂપિયા ઘટીને 1,13,800 રૂપિયા પ્રતિ 10 ગ્રામ થયા હતા. 99.5 ટકા શુદ્ધતા ધરાવતા સોનાના ભાવ પણ 1,300 રૂપિયા ઘટીને 1,13,300 રૂપિયા પ્રતિ 10 ગ્રામ થયા હતા (બધા કર સહિત). મંગળવારે, દિલ્હી બુલિયન બજારમાં 99.9 ટકા અને 99.5 ટકા શુદ્ધતા ધરાવતા સોનાના ભાવ 1,800 રૂપિયા વધીને અનુક્રમે 1,15,100 રૂપિયા અને 1,14,600 રૂપિયા પ્રતિ 10 ગ્રામના નવા ઓલ ટાઈમ હાઈ પર પહોંચ્યા હતા.
પ્રોફિટ બુકિંગને કારણે સોનાના ભાવ ઘટ્યા
ફેડરલ રિઝર્વના મુખ્ય નીતિગત નિર્ણય પહેલાપ્રોફિટ બુકિંગને કારણે સોનાના ભાવ નબળા પડ્યા કારણ કે સહભાગીઓએ પરિણામ પહેલા જોખમ ઘટાડ્યું હતું. બજારમાં સાવચેતીભર્યું વાતાવરણ પ્રવર્તી રહ્યું છે, કારણ કે રોકાણકારો માત્ર વ્યાજ દરમાં ઘટાડાની જ નહીં પરંતુ ફેડરલ રિઝર્વ તરફથી વધુ માર્ગદર્શનની પણ રાહ જોઈ રહ્યા છે. LKP સિક્યોરિટીઝના રિસર્ચ એનાલિસ્ટ (કોમોડિટી અને કરન્સી) ના વાઇસ પ્રેસિડેન્ટ જતીન ત્રિવેદીએ જણાવ્યું હતું કે "સ્પષ્ટ રોડમેપ વગર કોઈપણ તટસ્થ અથવા ઓછી અસ્પષ્ટ ટિપ્પણીઓ બુલિયન માર્કેટમાં થોડા ટકાનો ઘટાડો લાવી શકે છે,"
ચાંદીના ભાવમાં પણ ઘટાડો
પ્રોફિટ-બુકિંગને કારણે ચાંદીમાં પણ આજે ઘટાડો થયો છે. બુધવારે ચાંદી ₹1,670 ઘટીને ₹1,31,200 પ્રતિ કિલોગ્રામ થઈ ગઈ છે. પાછલા સત્રમાં, તે ₹570 વધીને ₹1,32,870 પ્રતિ કિલોગ્રામનો નવો રેકોર્ડ બનાવ્યો હતો. ફેડરલ ઓપન માર્કેટ કમિટી (FOMC) ની બેઠક પહેલા રોકાણકારો સાવધ રહ્યા હોવાથી વૈશ્વિક સ્તરે, સોના અને ચાંદીમાં પણ નવી ટોચ હાંસિલ કર્યા પછી ઘટાડો થયો હતો.
સ્પોટ ગોલ્ડ અને ચાંદીમાં પણ ઘટાડો થયો. મંગળવારે $3,703.23 પ્રતિ ઔંસના ઓલ ટાઈમ હાઈ સ્પર્શ્યા પછી હાજર સોનાનો ભાવ લગભગ 1 ટકા ઘટીને $3,664.82 પ્રતિ ઔંસ થયો. ચાંદીનો ભાવ પણ લગભગ 3 ટકા ઘટીને $41.38 પ્રતિ ઔંસ થયો.
તમારા શહેરની સોનાની કિંમત જાણવા માટે આ નંબર પર કોલ કરો
તમે ઘરે બેઠા પણ સોનાની કિંમત ચેક કરી શકો છો. ઈન્ડિયન બુલિયન એન્ડ જ્વેલર્સ એસોસિએશનના જણાવ્યા અનુસાર, તમે 8955664433 નંબર પર મિસ્ડ કોલ આપીને કિંમત જાણી શકો છો. તમારો મેસેજ એ જ નંબર પર આવશે જે નંબર પરથી તમે મેસેજ કરશો. આ રીતે તમે ઘરે બેઠા જ જાણી શકશો સોનાના લેટેસ્ટ રેટ.
ટોપ સ્ટોરી
ટ્રેન્ડિંગ સમાચાર
