Gold Price Today: સોનું થયું સસ્તું, જાણો આજે 10 ગ્રામ સોનાનો ભાવ કેટલો છે ?

સોનાની જેમે જ ચાંદીના વાયદાના ભાવ પણ રૂ. 101 અથવા 0.14 ટકા ઘટીને રૂ. 69,998 પ્રતિ કિલોગ્રામ થયા હતા.

પ્રતિકાત્મક તસવીર

Gold Price Today: મંગળવારે વધુ મોંઘુ થયા બાદ સોનું થોડું નીચે આવ્યું છે. નિષ્ણાતોનું કહેવું છે કે આ સપ્તાહે સોનાના ભાવમાં વધુ ઘટાડો થઈ શકે છે.

મલ્ટી કોમોડિટી એક્સચેન્જ (MCX) પર, સવારે 24 કેરેટ શુદ્ધતા સોનાનો વાયદો રૂ. 16 ઘટીને રૂ. 53,248 પ્રતિ 10 ગ્રામ થયો હતો. આ 3 જૂન, 2022 ના વાયદાની કિંમત છે. એક દિવસ પહેલા સોનાના ભાવમાં આશરે રૂ. 500નો ઉછાળો આવ્યો હતો. જોકે, નિષ્ણાતો આ સપ્તાહે સોનાના ભાવ વધુ નીચે આવવાની આગાહી કરી રહ્યા છે.

સોનાની જેમે જ ચાંદીના વાયદાના ભાવ પણ રૂ. 101 અથવા 0.14 ટકા ઘટીને રૂ. 69,998 પ્રતિ કિલોગ્રામ થયા હતા. એક દિવસ પહેલા સુધી ચાંદી 70 હજારની ઉપર વેચાતી હતી. ચાંદીની આ વાયદા કિંમત 5 મે, 2022 માટે છે. એક દિવસ પહેલા સુધી, એમસીએક્સ પર સોનું રૂ. 53,470 પ્રતિ 10 ગ્રામ અને ચાંદી રૂ. 69,499 પ્રતિ કિલોના ભાવે વેચાઈ રહી હતી.

વૈશ્વિક બજારમાં સોનું 2000 ડોલરની નજીક પહોંચી ગયું છે

વૈશ્વિક બજારમાં પણ આજે સોનાના ભાવમાં ઘટાડો જોવા મળ્યો હતો. એક દિવસ અગાઉ સોનું 2,000 ડોલર પ્રતિ ઔંસની નજીક પહોંચી ગયું હતું. આ બે વર્ષમાં સૌથી વધુ સ્તર છે. આ સમય દરમિયાન સોનાની કિંમત $1,998.10 પ્રતિ ઔંસ હતી. જોકે, આજે સવારે સોનાનો હાજર ભાવ 0.1 ટકા ઘટીને 1,976.46 પ્રતિ ઔંસ થયો હતો. વૈશ્વિક બજારમાં સોનાની વાયદાની કિંમત પણ 0.3 ટકા ઘટીને $1,981 પ્રતિ ઔંસ થઈ હતી.

વૈશ્વિક બજારમાં ચાંદીના ભાવમાં પણ વધારો થયો હતો, પરંતુ મંગળવારે તે 0.72 ટકા ઘટીને 25.96 ડોલર પ્રતિ ઔંસ પર વેચાયો હતો.

તમારા શહેરની સોનાની કિંમત જાણવા માટે આ નંબર પર કોલ કરો

તમે ઘરે બેઠા પણ સોનાની કિંમત ચેક કરી શકો છો. ઈન્ડિયન બુલિયન એન્ડ જ્વેલર્સ એસોસિએશનના જણાવ્યા અનુસાર, તમે 8955664433 નંબર પર મિસ્ડ કોલ આપીને કિંમત જાણી શકો છો. તમારો મેસેજ એ જ નંબર પર આવશે જે નંબર પરથી તમે મેસેજ કરશો. આ રીતે તમે ઘરે બેઠા જ જાણી શકશો સોનાના લેટેસ્ટ રેટ.