Google: પુણેમાં ગૂગલ ઓફિસને બોમ્બથી ઉડાવી દેવાની મળી ધમકી, પોલીસે હૈદરાબાદથી પકડ્યો કોલર

ધમકી આપનાર ફોન કરનારે તેનું નામ પનાયમ શિવાનંદ જણાવ્યું હતું. તેણે ફોન પર એમ પણ કહ્યું કે તે હૈદરાબાદમાં રહે છે.

ફાઈલ તસવીર

Google News: સોમવાર (13 ફેબ્રુઆરી)ના રોજ મુંબઈમાં Googleની ઑફિસને ધમકીભર્યો કૉલ આવ્યો હતો, જેમાં કૉલ કરનારે કહ્યું હતું કે પુણેમાં Google ઑફિસમાં બોમ્બ મૂકવામાં આવ્યો છે. ગૂગલના અધિકારીઓએ તરત જ આ અંગે પોલીસને જાણ કરી અને પૂણે પોલીસની સાથે મુંબઈ પોલીસે તપાસ શરૂ કરી. ધમકી આપનાર ફોન કરનારે તેનું નામ પનાયમ શિવાનંદ જણાવ્યું હતું. તેણે ફોન પર એમ પણ કહ્યું કે તે હૈદરાબાદમાં રહે છે. જણાવી દઈએ કે કોલ કરનારે લેન્ડલાઈન નંબર પર કોલ કર્યો હતો. પોલીસે આ કેસ સાથે જોડાયેલી તમામ માહિતી પુણે પોલીસને આપી દીધી છે, જેથી તેઓ પણ તપાસ કરી શકે.

સુત્રો પાસેથી મળતી માહિતી મુજબ પોલીસને હજુ સુધી ઓફિસમાંથી કોઈ શંકાસ્પદ વસ્તુ મળી નથી. દરમિયાન, કોલ કરનારની પોલીસે હૈદરાબાદમાં ધરપકડ કરી છે. મુંબઈ પોલીસની એક ટીમ પણ તેલંગાણામાં છે અને ફોન કરનારને મુંબઈ લાવવાની તૈયારીઓ કરવામાં આવી છે. અત્યાર સુધી એ બહાર આવ્યું નથી કે કોલ કરવા પાછળ વ્યક્તિનો હેતુ શું હતો. પોલીસે ફોન કરનાર સામે IPCની કલમ 505 (1) (b) અને 506 (2) હેઠળ કેસ નોંધ્યો છે અને તપાસ હાથ ધરી છે.

NIAને ધમકીભર્યો મેલ પણ મળ્યો હતો

મીડિયા રિપોર્ટ્સ અનુસાર, અગાઉ NIA મુંબઈ ઓફિસમાં ધમકીભર્યો ઈમેલ મળ્યો હતો. જેમાં દાવો કરવામાં આવ્યો હતો કે તાલિબાન સાથે જોડાયેલી વ્યક્તિ મુંબઈમાં હુમલો કરશે. ત્યારથી મુંબઈ પોલીસ અને મહારાષ્ટ્ર એન્ટી ટેરરિઝમ સ્ક્વોડ (ATS) એલર્ટ પર છે.

પોલીસે NIA દ્વારા મળેલી ધમકીની ઝડપથી તપાસ કરી અને જાણવા મળ્યું કે મેલ મોકલનારનું IP (ઇન્ટરનેટ પ્રોટોકોલ) સરનામું પાકિસ્તાનનું હતું. ગયા મહિને પણ આવો મેઈલ મોકલવામાં આવ્યો હતો. પોલીસને આમાં કોઈ તથ્ય મળ્યું નથી. પોલીસને આશંકા છે કે કોઈએ તોફાન રમવા માટે આ કર્યું હશે.

ભાજપના ગઢમાં નારણપુરામાં જ લાગ્યા ભાજપ વિરોધના પોસ્ટર

અમદાવાદ શહેરમાં ભાજપનો ગઢ ગણાતા નારણપુરામાં ભાજપ વિરોધના પોસ્ટર લાગ્યા છે. રોડ કપાતને લઈ સ્થાનિકોએ સોસાયટી બહાર પોસ્ટર લગાવ્યા છે. જેમાં ઈલેક્શન વખતે આપેલા વચનો નેતા ભૂલ્યા છે તેમ લખવામાં આવ્યું છે. નારાયણપુરા ક્રોસિંગથી લઈ નારાણપુરા ગામ સુધીની સોસાયટીઓને નોટિસ આપી છે. આ ઉપરાંત દુકાનોને પણ નોટિસ આપવામાં આવી છે. કપાતની નોટિસ મળતાં સ્થાનિકોમાં આક્રોશ છે. લોકોના કહેવા મુજબ, ઈલેકશન પહેલા નેતાઓએ રોડ રસ્તાનું કટિંગ નહીં આવે તેવા વચનો આપ્યા હતા.