ગુજરાતની અર્થવ્યવસ્થાને બુસ્ટ: મે ૨૦૨૫ માં જીએસટી આવકમાં ૨૦% નો જંગી વધારો, કુલ ₹ ૧૦,૨૪૪ કરોડની આવક!

રાષ્ટ્રીય સરેરાશ કરતા ગુજરાત આગળ, GST Amnesty Scheme હેઠળ ૬૦% અરજીઓનો નિકાલ, કરદાતાઓને રાહત.

મે-૨૦૨૫ માં ગુજરાતની જીએસટી આવકમાં ૨૦% નો વધારો

Source : GST Collection

Gujarat GST revenue May 2025: ગુજરાત રાજ્યની જીએસટી આવકમાં મે ૨૦૨૫ માં નોંધપાત્ર ૨૦% નો વધારો જોવા મળ્યો છે, જે રાષ્ટ્રીય સરેરાશ ૧૬% કરતા પણ વધુ છે. મે ૨૦૨૫ માં રાજ્યને જીએસટી હેઠળ કુલ ₹ ૬,૨૬૫ કરોડની આવક થઈ છે, (GST collection Gujarat 2025) જે મે ૨૦૨૪ માં નોંધાયેલ ₹ ૫,૨૩૪ કરોડની આવક કરતાં ખુબ જ વધુ છે. આ સાથે, રાજ્ય કર વિભાગને જીએસટી, વેટ, વિદ્યુત શુલ્ક અને વ્યવસાય વેરા થકી કુલ ₹ ૧૦,૨૪૪ કરોડની આવક થઈ છે, જે જાન્યુઆરી ૨૦૨૫ થી સતત દસ હજાર કરોડને પાર રહી છે.

ગુજરાત રાજ્યની આર્થિક પ્રગતિના (Gujarat economy growth 2025) સંકેત આપતા, મે ૨૦૨૫ મહિના માટે રાજ્યની જીએસટી (ગુડ્સ એન્ડ સર્વિસ ટેક્સ) આવકમાં impressive ૨૦% નો વધારો નોંધાયો છે. આ આંકડો રાષ્ટ્રીય કક્ષાએ જીએસટી આવકના ૧૬% ના ગ્રોથ કરતા પણ વધુ છે, જે દર્શાવે છે કે ગુજરાત આર્થિક મોરચે મજબૂત દેખાવ કરી રહ્યું છે.

આવકના આંકડા:

મે ૨૦૨૫ માં ગુજરાત રાજ્યને જીએસટી હેઠળ કુલ ₹ ૬,૨૬૫ કરોડ ની આવક થઈ છે. આ આંકડો મે ૨૦૨૪ માં નોંધાયેલ ₹ ૫,૨૩૪ કરોડની આવક કરતાં નોંધપાત્ર રીતે વધુ છે.

જીએસટી ઉપરાંત, રાજ્યને અન્ય કરવેરા હેઠળ પણ સારી આવક પ્રાપ્ત થઈ છે:

• વેટ (VAT): ₹ ૨,૭૮૩ કરોડ
• વિદ્યુત શુલ્ક: ₹ ૧,૧૩૭ કરોડ
• વ્યવસાય વેરા: ₹ ૨૨ કરોડ

આમ, રાજ્ય કર વિભાગને જીએસટી, વેટ, વિદ્યુત શુલ્ક અને વ્યવસાય વેરા થકી મે ૨૦૨૫ માં કુલ ₹ ૧૦,૨૪૪ કરોડ ની આવક થયેલ છે. આ સતત પાંચમો મહિનો છે (જાન્યુઆરી ૨૦૨૫ થી) જ્યારે રાજ્યની કુલ કર આવક દસ હજાર કરોડના આંકડાને પાર કરી છે.

GST Amnesty Scheme, 202૪ ની પ્રગતિ:

રાજ્ય સરકાર દ્વારા લાગુ કરાયેલ GST Amnesty Scheme, 2024 અંતર્ગત પાત્રતા ધરાવતા કુલ ૧૦,૬૪૩ કેસની અરજીઓ પ્રાપ્ત થઈ હતી. મે ૨૦૨૫ સુધીમાં આ અરજીઓ પૈકી ૬૦% અરજીઓનો નિકાલ કરવામાં આવ્યો છે, જેનો અર્થ છે કે ૬૪૦૦ ઉપરાંત કેસોમાં કરદાતાઓની વસૂલાત પૂર્ણ થઈ છે. આ યોજનાએ કરદાતાઓને રાહત પૂરી પાડવામાં અને કરવેરા પ્રણાલીને સરળ બનાવવામાં મદદ કરી છે.