Health Insurance ખરીદતા સમયે ના કરો આ ભૂલ, નહી તો હોસ્પિટલનું આખુ બિલ ખિસ્સામાંથી જ ભરવું પડશે
હેલ્થ ઇન્શ્યોરન્સ પોલિસી ખરીદવાનું મુખ્ય કારણ ફુગાવાના કારણે વધેલા બીલથી પોતાને બચાવવાનું છે
Health Insurance: હેલ્થ ઇન્શ્યોરન્સ પોલિસી ખરીદવાનું મુખ્ય કારણ ફુગાવાના કારણે વધેલા બીલથી પોતાને બચાવવાનું છે. જો કે, કેશલેસ હેલ્થ કાર્ડ હોવા છતાં અને નેટવર્ક હોસ્પિટલની સેવાઓનો લાભ લીધા પછી પણ મેડિકલ બિલ સંબંધિત કેટલાક ખર્ચ પોલિસીધારકે ઉઠાવવા પડે છે. આટલું જ નહીં, ઘણી વખત હેલ્થ ઇન્શ્યોરન્સ લીધા પછી આખું બિલ ચૂકવવું પડે છે. આવી સ્થિતિમાં તેઓએ શું ધ્યાનમાં રાખવું જોઈએ?
આ બાબતો ધ્યાનમાં રાખો
એવું ઘણીવાર થાય છે તે જ્યારે મેડિકલ ખર્ચ માટે કરવામાં આવેલા દાવા હેલ્થ ઇન્શ્યોરન્સ કવરેજનો ભાગ ન હોય. જ્યારે વીમા કંપની વીમાધારકની જરૂરી સારવાર માટે કરવામાં આવતા તબીબી ખર્ચને બિનજરૂરી ગણે ત્યારે પણ આવું થઈ શકે છે. જ્યારે તમે તેને ખરીદો છો ત્યારે તે કંપનીઓની પોલિસીમાં આ લખેલું હોય છે. વીમા કંપનીઓ માત્ર તે ખર્ચ માટે જ દાવાની પતાવટ કરે છે જેનો ઉલ્લેખ પૉલિસીની ખરીદી વખતે વીમા ધારક સાથે શેર કરવામાં આવેલા પૉલિસી દસ્તાવેજમાં કવરેજ હેઠળ કરવામાં આવે છે.
મોટાભાગની આરોગ્ય વીમા પૉલિસી સામાન્ય રીતે હોસ્પિટલમાં બીમારીઓની સારવાર માટે ઉપયોગમાં લેવાતી મોટાભાગની જરૂરિયાતોની કિંમતને આવરી લેતી નથી. આવી સ્થિતિમાં આ રકમ પોલિસીધારકે ચૂકવવી પડશે. તેથી પોલિસી ખરીદતી વખતે તમારે તેમાં ઉપલબ્ધ ક્લેમ લાભો વિશે ચોક્કસપણે વાંચવું જોઈએ. જો તમને વીમા વિશે સમજાતું ન હોય તો નિષ્ણાતની સલાહ લો. જો તમને કોઈ નિષ્ણાત ન મળે તો ચોક્કસથી તેને તે રોગોના કવરેજ વિશે સવાલ કરો. ઘણી વખત વ્યક્તિ તેની આસપાસના લોકોથી બીમારીનો શિકાર બની જાય છે. વીમો લેતી વખતે જો તમને પહેલાથી જ કોઈ રોગ હોય તો તેના વિશે ચોક્કસથી વિગતવાર માહિતી મેળવો.
ટોપ સ્ટોરી
ટ્રેન્ડિંગ સમાચાર
