Ultra HNIs in India: ભારતમાં અબજોપતિની સંખ્યામાં થયો 11 ટકાનો વધારો, અમેરિકા, ચીન બાદ ત્રીજા ક્રમે

પ્રોપર્ટી એડવાઈઝરી ફર્મ નાઈટ ફ્રેન્કના જણાવ્યા અનુસાર, 2021માં વૈશ્વિક સ્તરે અબજોપતિઓની વસ્તીમાં ભારત ત્રીજા ક્રમે છે. રિપોર્ટમાં આપવામાં આવેલા આંકડા પ્રમાણે અમેરિકા 748 અબજપતિઓ સાથે નંબર વન છે.

ફાઈલ તસવીર

Ultra HNIs in India:  ભારતમાં અમીરોની સંખ્યામાં સતત વધારો થઈ રહ્યો છે. એક રિપોર્ટ અનુસાર, દેશમાં 2021માં અલ્ટ્રા HNI (30 મિલિયન ડોલર અથવા લગભગ રૂ. 226 કરોડથી વધુની કિંમત) ધરાવતા લોકોની સંખ્યામાં 11 ટકાનો વધારો નોંધાયો છે. આ વધારા સાથે ભારતે વૈશ્વિક સ્તરે અબજોપતિઓની સંખ્યાના મામલે અન્ય દેશોને પાછળ છોડી દીધા છે.

અમેરિકા-ચીન પછી ભારત ત્રીજા ક્રમે

પ્રોપર્ટી એડવાઈઝરી ફર્મ નાઈટ ફ્રેન્કના જણાવ્યા અનુસાર, 2021માં વૈશ્વિક સ્તરે અબજોપતિઓની વસ્તીમાં ભારત ત્રીજા ક્રમે છે. રિપોર્ટમાં આપવામાં આવેલા આંકડાઓ પર નજર કરીએ તો અમેરિકા 748 અબજપતિઓ સાથે નંબર વન છે. તે પછી 554 અબજપતિઓ સાથે ચીન આવે છે. ભારત હવે આ મામલે લાંબી છલાંગ લગાવીને અમેરિકા અને ચીન પછી 145 અબજપતિઓ સાથે ત્રીજા સ્થાને છે.

વૈશ્વિક વૃદ્ધિ પણ

વેલ્થ રિપોર્ટ 2022માં જણાવાયું છે કે વૈશ્વિક સ્તરે અલ્ટ્રાએચએનઆઈની સંખ્યા 2021માં 9.3 ટકા વધીને 6,10,569 થઈ છે, જે ગયા વર્ષના સમાન સમયગાળામાં 5,58,828 હતી. નાઈટ ફ્રેન્કના મતે ભારતમાં અબજોપતિઓની સંખ્યા સતત વધી રહી છે. રિપોર્ટ અનુસાર, ભારતમાં તેમની સંખ્યા 2021માં વધીને 13,637 થઈ ગઈ, જે અગાઉના વર્ષ 2020માં 12,287 હતી.

બેંગ્લોરમાં સૌથી ધનિકો

રિપોર્ટ અનુસાર જો આપણે અમીરોની દ્રષ્ટિએ મોટા ભારતીય શહેરોની વાત કરીએ તો બેંગ્લોર આ રેન્કમાં ટોચ પર છે. 226 કરોડથી વધુની સંપત્તિ ધરાવતા શહેરોમાં સૌથી વધુ 17.1 ટકા સાથે બેંગલુરુ પ્રથમ, 12.4 ટકા સાથે બીજા નંબરે દિલ્હી અને 9 ટકા સાથે મુંબઈ ત્રીજા ક્રમે આવે છે. નાઈટ ફ્રેન્કે 2026 સુધીમાં આવા અમીર લોકોની સંખ્યા 39 ટકા વધીને 19,006 થવાનો અંદાજ મૂક્યો છે. 2016માં તેમની સંખ્યા 7,401 હતી.

અમીરોની સંપત્તિમાં થશે વધારો

નાઈટ ફ્રેન્ક ઈન્ડિયાના ચેરમેન અને મેનેજિંગ ડિરેક્ટર શિશિર બૈજલે જણાવ્યું હતું કે ભારતમાં UHNWIsના વિકાસમાં ઈક્વિટી માર્કેટ અને ડિજિટાઈઝેશનનો પ્રચાર મુખ્ય પરિબળો છે. રિપોર્ટ અનુસાર, ભારતમાં લગભગ 69 ટકા અતિ સમૃદ્ધ લોકોની સંપત્તિમાં આ વર્ષે 10 ટકાથી વધુનો ઉછાળો આવવાની ધારણા છે.