![ABP Premium](https://cdn.abplive.com/imagebank/Premium-ad-Icon.png)
Investors Wealth Loss: આજે શેરબજારમાં કડાકાને કારણે રોકાણકારોએ 6.32 લાખ કરોડ રૂપિયા ગુમાવ્યા
BSE પર લિસ્ટેડ કંપનીઓનું માર્કેટ કેપિટલાઇઝેશન સોમવારે રૂ. 2,46,79,421.38 કરોડથી ઘટીને રૂ. 2,40,46,891 લાખ કરોડ થયું છે.
![Investors Wealth Loss: આજે શેરબજારમાં કડાકાને કારણે રોકાણકારોએ 6.32 લાખ કરોડ રૂપિયા ગુમાવ્યા indian stock market crashes investors wealth erodes by 6.32 lakh crores rupees on 7th march 2022 Investors Wealth Loss: આજે શેરબજારમાં કડાકાને કારણે રોકાણકારોએ 6.32 લાખ કરોડ રૂપિયા ગુમાવ્યા](https://feeds.abplive.com/onecms/images/uploaded-images/2022/03/07/c1b8204b04dbf05ef61cffec1240c9a0_original.jpg?impolicy=abp_cdn&imwidth=1200&height=675)
Investors Wealth Loss: રશિયા-યુક્રેન યુદ્ધના કારણે શેરબજારમાં ઘટાડાની સુનામીના કારણે રોકાણકારોને ભારે નુકસાનનો સામનો કરવો પડી રહ્યો છે. છેલ્લા સપ્તાહ બાદ આ સપ્તાહના પ્રથમ ટ્રેડિંગ દિવસે પણ શેરબજારમાં જોરદાર ઘટાડો જોવા મળી રહ્યો છે. જેના કારણે રોકાણકારોની સંપત્તિમાં સતત નુકસાન થઈ રહ્યું છે. સોમવારે રોકાણકારોને રૂ. 6 લાખ કરોડથી વધુનું નુકસાન થયું છે. BSE સેન્સેક્સ 1929 પોઈન્ટ અથવા 3.49 ટકાના ઘટાડા સાથે 52,391 પોઈન્ટ પર ટ્રેડ કરી રહ્યો છે જ્યારે નિફ્ટી 2.73 ટકાના ઘટાડા સાથે 15,801 પોઈન્ટ પર ટ્રેડ કરી રહ્યો છે.
વૈશ્વિક ઉથલપાથલ વચ્ચે સોમવારે રોકાણકારોને રૂ. 6,32,530 લાખ કરોડનું નુકસાન થયું છે. BSE પર લિસ્ટેડ કંપનીઓનું માર્કેટ કેપિટલાઇઝેશન સોમવારે રૂ. 2,46,79,421.38 કરોડથી ઘટીને રૂ. 2,40,46,891 લાખ કરોડ થયું છે. રશિયા-યુક્રેન યુદ્ધને 12 દિવસ વીતી ગયા છે અને આ 12 દિવસોમાં રોકાણકારોએ આ યુદ્ધની ભારે કિંમત ચૂકવી છે. વિદેશી રોકાણકારો સતત વેચવાલી કરી રહ્યા છે. વિદેશી રોકાણકારોએ 4 માર્ચ 2022ના રોજ કુલ રૂ. 7,631 કરોડ રૂપિયાના શેરનું વેચાણ કર્યું હતું. 26 ફેબ્રુઆરી 2021 પછી એક જ દિવસમાં વિદેશી રોકાણકારોનું આ મોટું વેચાણ છે.
ભારત માટે સૌથી મોટી સમસ્યા ક્રૂડ ઓઈલની વધતી કિંમતો છે, જે પ્રતિ બેરલ $130ને પાર કરી ગઈ છે. મોંઘા ક્રૂડ ઓઈલના કારણે વિધાનસભા ચૂંટણી બાદ પેટ્રોલ અને ડીઝલના ભાવમાં વધારો થઈ શકે છે, જેના કારણે મોંઘવારી વધવાની આશંકા છે.
સોનાના ભાવમાં ઉછાળો
રશિયા-યુક્રેનના સંકટ વચ્ચે આજે ભારતીય બજારોમાં સોનાના ભાવમાં જોરદાર ઉછાળો જોવા મળી રહ્યો છે. MCX પર વાયદાના વેપારમાં સોનાના ભાવ 1.8% વધીને ₹53,500 પ્રતિ 10 ગ્રામ થયા હતા. ઓગસ્ટ 2020માં ભારતીય બજારોમાં સોનું રૂ. 56,200ની વિક્રમી સપાટીએ પહોંચી ગયું હતું. વૈશ્વિક બજારોમાં, હાજર સોનું 1.5% વધીને $1,998.37 પ્રતિ ઔંસ થયું હતું, જે અગાઉ $2,000.69 હતું, જે 18 મહિનામાં સૌથી વધુ છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)