LIC એ રોકાણકારોને રાતા પાણીએ રોવડાવ્યા, એક વર્ષમાં 2.40 લાખ કરોડ રૂપિયા ડૂબ્યા

LIC Stock Performance: 17 મે 2022 ના રોજ LIC લિસ્ટિંગ પછી, તે દેશની 5મી સૌથી મોટી કંપની હતી, જે હવે 13માં સ્થાને સરકી ગઈ છે.

પ્રતિકાત્મક તસવીર

LIC Share Price: બરાબર એક વર્ષ પહેલાં, 17 મે 2022ના રોજ, જાહેર ક્ષેત્રની વીમા કંપની LICનું લિસ્ટિંગ, જે ભારતીય શેરબજારના ઈતિહાસમાં સૌથી મોટો IPO હતો, સ્ટોક એક્સચેન્જ પર કરવામાં આવ્યો હતો. રોકાણકારોએ LICના IPOમાં એવો વિચાર કરીને રોકાણ કર્યું હતું કે તેમને સારો નફો મળશે. પરંતુ આ IPO રોકાણકારો માટે ખૂબ જ નિરાશાજનક સાબિત થયો છે. LICનો શેર એક વર્ષ પછી તેની IPO કિંમત 40% નીચે ટ્રેડ કરી રહ્યો છે.

LIC શેર ટ્રેડિંગ 40% નીચે

બરાબર એક વર્ષ પહેલા મે 2022માં LIC એ IPO દ્વારા માર્કેટમાંથી 20557 કરોડ રૂપિયા એકત્ર કર્યા હતા. કંપનીએ 949 રૂપિયા પ્રતિ શેરના ભાવે રોકાણકારોને શેર ફાળવ્યા. પરંતુ શેરમાં લિસ્ટિંગના બરાબર એક વર્ષ પછી, શેર 40 ટકાના ઘટાડા સાથે રૂ. 569 પર ટ્રેડ થઈ રહ્યો છે. IPOની કિંમત અનુસાર, કંપનીનું માર્કેટ કેપિટલાઇઝેશન રૂ. 6 લાખ કરોડની નજીક હતું, જે ઘટીને રૂ. 3.60 લાખ કરોડ થયું છે. એટલે કે લિસ્ટિંગ બાદ કંપનીના માર્કેટ કેપમાં રૂ. 2.40 લાખ કરોડનો ઘટાડો થયો છે.

માર્કેટ કેપની દ્રષ્ટિએ 5માથી 13મા ક્રમે છે

જ્યારે LIC 17 મે 2022 ના રોજ સ્ટોક એક્સચેન્જમાં સૂચિબદ્ધ થઈ, ત્યારે તે માર્કેટ કેપિટલાઇઝેશનની દ્રષ્ટિએ દેશની પાંચમી સૌથી મોટી કંપની બની. પરંતુ શેરના ભાવમાં ભારે ઘટાડા બાદ એલઆઈસી હવે 13માં સ્થાને સરકી ગઈ છે. સ્ટોક એક્સચેન્જમાં લિસ્ટિંગના પહેલા જ દિવસે 47000 કરોડ રૂપિયાના માર્કેટ કેપિટલાઇઝેશનમાં ઘટાડો થયો હતો. વિપક્ષ પણ એલઆઈસીના શેરમાં ઘટાડાને લઈને સરકાર પર પ્રહારો કરી રહ્યો છે. કોંગ્રેસના રાજ્યસભા સાંસદ અને કોમ્યુનિકેશન ઈન્ચાર્જ જયરામ રમેશે ટ્વીટ કર્યું કે આ સમગ્ર પ્રક્રિયામાં લાખો પોલિસીધારકોને ભારે નુકસાન થયું છે.

Exactly a year ago today, LIC was listed in the stock market. Its market capitalisation then stood at Rs 5.48 lakh crore. Today, this is down to Rs 3.59 lakh crore—a fall of a whopping 35%!

There is only one reason for this steep fall—Modani.

In the process, lakhs and lakhs… pic.twitter.com/zr8fAxRg9t

— Jairam Ramesh (@Jairam_Ramesh) May 17, 2023

મ્યુચ્યુઅલ ફંડ્સ અને FIIએ રોકાણ ઘટાડ્યું

કેન્દ્ર સરકાર LICમાં 96.5 ટકા હિસ્સો ધરાવે છે. શેરહોલ્ડિંગ પેટર્નને જોતા, મ્યુચ્યુઅલ ફંડ્સે એલઆઈસી સ્ટોકમાં તેમનું રોકાણ ઘટાડ્યું છે. મ્યુચ્યુઅલ ફંડનો હિસ્સો જૂન 2022 ક્વાર્ટરથી ઘટીને હવે 0.63 ટકા પર આવી ગયો છે. જોકે રિટેલ રોકાણકારોએ તેમનો હિસ્સો વધાર્યો છે. તેમનો હિસ્સો 1.88 ટકાથી વધીને 2.04 ટકા થયો છે. પરંતુ તેમની સંખ્યા 39.89 લાખથી ઘટીને 33 લાખ થઈ ગઈ છે. એટલે કે એક વર્ષમાં 6.87 લાખ રિટેલ રોકાણકારો ઘટ્યા છે. વિદેશી રોકાણકારોનો હિસ્સો પણ જૂન 2022માં 0.12 ટકાથી ઘટીને 0.08 ટકા પર આવી ગયો છે.