M&M Hike Prices: મહિન્દ્રા એન્ડ મહિન્દ્રાએ પણ તેના વાહનોના ભાવમાં કર્યો વધારો કર્યો, આજથી નવી કિંમત લાગુ

કોઈપણ કાર નિર્માતા માટે ઇનપુટ ખર્ચ ખૂબ જ મહત્વપૂર્ણ છે. સામગ્રીની કિંમત કોઈપણ મૂળ સાધન ઉત્પાદક માટે કુલ ખર્ચના 70 થી 75 ટકા જેટલી હોય છે.

પ્રતિકાત્મક તસવીર

Mahindra & Mahindra Hike Prices: દેશની અગ્રણી ઓટોમોબાઈલ કંપની મહિન્દ્રા એન્ડ મહિન્દ્રાએ તેના વાહનોની કિંમતોમાં વધારો કરવાની જાહેરાત કરી છે. મહિન્દ્રાના વાહનોની કિંમતોમાં વધારો આજથી 14 એપ્રિલ 2022થી અમલમાં આવી ગયો છે. કંપનીએ સ્ટોક એક્સચેન્જને માહિતી આપી છે કે કંપની આજથી વાહનોના ભાવમાં 2.5 ટકાનો વધારો કરવા જઈ રહી છે. આ વધારા બાદ મહિન્દ્રાના વાહનો રૂ. 10,000 થી રૂ. 63,000 મોંઘા થશે. કંપનીના જણાવ્યા અનુસાર, કિંમતો વધારવાની યોજના વાહનના મોડલ અને વેરિઅન્ટ પર નિર્ભર રહેશે.

ખર્ચમાં વધારાને કારણે ભાવ વધારવાનો નિર્ણય લેવાયો છે

M&Mએ કહ્યું છે કે ઈનપુટ કોસ્ટમાં વધારાને કારણે વાહનોની કિંમત પર નોંધપાત્ર અસર થઈ છે. જેના કારણે ભાવમાં વધારો કરવામાં આવી રહ્યો છે. કંપનીનું સ્ટીલ, એલ્યુમિનિયમ, પેલેડિયમ સહિત અનેક ચીજવસ્તુઓના ભાવ વધવાને કારણે વાહનોના ભાવમાં વધારો થયો છે. કંપનીએ કહ્યું છે કે ઈનપુટ કોસ્ટમાં વધારાને કારણે વાહનોની કિંમત પર ઘણી અસર થઈ છે. તેથી ભાવ વધારીને તેનો અમુક હિસ્સો ગ્રાહકો સુધી પહોંચાડવો જરૂરી બન્યો છે.

ખર્ચમાં વધારાને કારણે માર્જિનની અસર

કોઈપણ કાર નિર્માતા માટે ઇનપુટ ખર્ચ ખૂબ જ મહત્વપૂર્ણ છે. સામગ્રીની કિંમત કોઈપણ મૂળ સાધન ઉત્પાદક માટે કુલ ખર્ચના 70 થી 75 ટકા જેટલી હોય છે. તેના કારણે કંપનીના માર્જિન પર પણ અસર પડી છે. આ જ કારણ છે કે મહિન્દ્રા એન્ડ મહિન્દ્રા (Mahindra & Mahindra)એ કિંમત વધારવાનો નિર્ણય લેવો પડ્યો છે.

એસયુવી નિર્માતા

મહિન્દ્રા એન્ડ મહિન્દ્રા SUV ઉત્પાદન ક્ષેત્રે અગ્રણી કંપની છે. Scorpio, XUV300, XUV700, અને Thar એ કંપનીની લોકપ્રિય બ્રાન્ડ્સ છે. મહિન્દ્રા ઈલેક્ટ્રિક વાહન ઉત્પાદન ક્ષેત્રે પણ મોટા પાયે પ્રવેશ કરવા જઈ રહી છે. મહિન્દ્રા ટ્રેક્ટર પણ બનાવે છે.