Rules Change: ટ્રેન ટિકિટથી લઇને ATMમાંથી રૂપિયા ઉપાડવા સુધી, આજથી લાગુ થયા આ ફેરફારો
1, મે થી કેટલાક નાણાકીય ફેરફારો થવાના છે જેની સીધી અસર તમારા પર પડી શકે છે.
1, મે થી કેટલાક નાણાકીય ફેરફારો થવાના છે જેની સીધી અસર તમારા પર પડી શકે છે. આ ફેરફારોમાં ATM ઓવરડ્રાફ્ટ, રેલવે ટિકિટ બુકિંગ અને FD વ્યાજ દરો વગેરેમાં ફેરફારનો સમાવેશ થાય છે. આ સાથે RBI એ મે મહિનામાં બેન્ક રજાઓની યાદી પણ જાહેર કરી છે.
ATM માંથી પૈસા ઉપાડવા પર વધુ ચાર્જ લાગશે
મેટ્રો શહેરોમાં તમે દર મહિને 3 મફત ATM ટ્રાન્જેક્શન કરી શકશો. નોન-મેટ્રો શહેરોમાં તમે પાંચ વખત ટ્રાન્જેક્શન શકો છો. મફત મર્યાદા પછી બેન્કો પ્રતિ ટ્રાન્જેક્શન 23 રૂપિયા સુધી ચાર્જ કરી શકે છે. જો કોઈ ગ્રાહક ATM પર ખાતાનું બેલેન્સ ચેક કરે છે તો તેને 7 રૂપિયાનો ચાર્જ ચૂકવવો પડી શકે છે, જે પહેલા 6 રૂપિયા હતો.
રેલવેમાં વેઇટિંગ ટિકિટ ફક્ત જનરલ કોચમાં જ માન્ય છે
રેલવે ટિકિટ બુકિંગના નિયમોમાં ફેરફાર કરવામાં આવી રહ્યા છે. હવે વેઇટિંગ ટિકિટ ફક્ત જનરલ કોચમાં જ માન્ય રહેશે. મતલબ કે તમે વેઇટિંગ ટિકિટ સાથે સ્લીપર કોચમાં મુસાફરી કરી શકતા નથી. જો તમે મુસાફરી કરતા પકડાઓ છો તો ટીટી તમને જનરલ કોચમાં મોકલી શકે છે અથવા તમારા પર દંડ લાદી શકે છે.
FD પર વ્યાજ દર ઘટવા લાગ્યા
RBI દ્વારા રેપો રેટમાં 0.25 ટકાના ઘટાડા બાદ હવે બેન્કોએ પણ FD પર વ્યાજ દર ઘટાડવાનું શરૂ કરી દીધું છે. મોટાભાગની બેન્કોએ 1 મેથી ઊંચા વ્યાજ દરવાળી FD બંધ કરવાનો નિર્ણય લીધો છે.
બેન્કો 12 દિવસ બંધ રહેશે
RBI એ મે મહિનામાં બેન્ક રજાઓની યાદી જાહેર કરી છે. બીજા અને ચોથા શનિવાર અને રવિવાર સિવાય જુદા જુદા રાજ્યોમાં બેન્કો અલગ અલગ સમયે બંધ રહેશે. આમાં બુદ્ધ પૂર્ણિમા અને મહારાણા પ્રતાપ જયંતિ જેવા તહેવારોનો સમાવેશ થાય છે, જે વિવિધ રાજ્યોમાં ઉજવવામાં આવશે. આવી સ્થિતિમાં બેન્કમાં જતા પહેલા રજાઓ ચોક્કસપણે તપાસો.
અમૂલે દૂધના ભાવમાં વધારો કર્યો
અમૂલે દૂધના ભાવ વધારવાની જાહેરાત કરી છે. અમૂલ દૂધ ઉત્પાદનોના નવા દર આજે સવારથી એટલે કે 1 મેથી અમલમાં આવશે. અમૂલે જણાવ્યું હતું કે દેશભરમાં દૂધના ભાવમાં પ્રતિ લિટર 2 રૂપિયાનો વધારો કરવાનો નિર્ણય લેવામાં આવ્યો છે.
ટોપ સ્ટોરી
ટ્રેન્ડિંગ સમાચાર
