![ABP Premium](https://cdn.abplive.com/imagebank/Premium-ad-Icon.png)
Ola to layoff: Ola 1000 કર્મચારીઓને કાઢી મૂકશે, કંપની હવે માત્ર ઇલેક્ટ્રિક મોબિલિટી બિઝનેસ જ ધ્યાન આપશે
ઓલા મોબિલિટી, હાઇપરલોકલ, ફિનટેક અને યુઝ્ડ કાર બિઝનેસ માટે લોકોને હાયર કરી રહી છે.
![Ola to layoff: Ola 1000 કર્મચારીઓને કાઢી મૂકશે, કંપની હવે માત્ર ઇલેક્ટ્રિક મોબિલિટી બિઝનેસ જ ધ્યાન આપશે Ola to layoff: Ola is preparing to lay off 1,000 people, the company's focus is now on the electric mobility business Ola to layoff: Ola 1000 કર્મચારીઓને કાઢી મૂકશે, કંપની હવે માત્ર ઇલેક્ટ્રિક મોબિલિટી બિઝનેસ જ ધ્યાન આપશે](https://feeds.abplive.com/onecms/images/uploaded-images/2022/07/14/c7c9639afb502fa6fdad5e680b713db31657772159_original.jpg?impolicy=abp_cdn&imwidth=1200&height=675)
Ola To layoff: એપ આધારિત ટ્રાવેલ એગ્રીગેટર કંપની Ola તેના હાલના 1,000 કર્મચારીઓની છટણી કરવાની તૈયારી કરી રહી છે. અગાઉ એવી માહિતી મળી હતી કે કંપની 400 થી 500 લોકોને નોકરીમાંથી કાઢી મૂકવાનું વિચારી રહી છે. પરંતુ મીડિયા રિપોર્ટ્સ અનુસાર, હવે લગભગ 1,000 લોકોને નોકરીમાંથી કાઢી મૂકવામાં આવી શકે છે. જે કર્મચારીઓને નોકરીમાંથી બરતરફ કરવા પડશે તેઓને કંપનીએ પોતાનું રાજીનામું આપી દેવા જણાવ્યું છે.
તે જ સમયે, ઘણા કર્મચારીઓ હજુ પણ વાર્ષિક પગાર વધારાની રાહ જોઈ રહ્યા છે. કંપની એવા કર્મચારીઓના રાજીનામાની રાહ જોઈ રહી છે જેમને નોકરીમાંથી કાઢી મૂકવામાં આવનાર છે, જેના કારણે આ વર્ષનો ઈન્ક્રીમેન્ટ હજુ પણ હોલ્ડ પર છે. ઓલામાં પુનઃરચનાનું કામ ચાલી રહ્યું છે જે કદાચ ચાલુ રહેશે. એક તરફ કંપની 1,000 કર્મચારીઓને બરતરફ કરવા જઈ રહી છે, તો બીજી તરફ તે પોતાના ઈલેક્ટ્રિક મોબિલિટી બિઝનેસ માટે લોકોને હાયર કરવામાં વ્યસ્ત છે. કંપનીનું મુખ્ય ધ્યાન હવે ઇલેક્ટ્રિક મોબિલિટી બિઝનેસ પર છે.
ઓલા મોબિલિટી, હાઇપરલોકલ, ફિનટેક અને યુઝ્ડ કાર બિઝનેસ માટે લોકોને હાયર કરી રહી છે. ઓલા લિથિયમ-આયન બેટરી સેલ અને ઇલેક્ટ્રિક કાર બનાવવાની પ્રક્રિયામાં છે. કંપની કાર મેન્યુફેક્ચરિંગ અને સેલ ડેવલપમેન્ટ માટે 800 નવા લોકોને હાયર કરવાની યોજના બનાવી રહી છે. કંપની તેના કરતા વધુ લોકોને નોકરી પર રાખવાની યોજના પર કામ કરી રહી છે.
આ મામલા સાથે સંકળાયેલા અધિકારીઓનું કહેવું છે કે જે લોકોને નોકરીમાંથી છૂટા કરવામાં આવનાર છે, કંપનીએ તેમને ઇન્ક્રીમેન્ટ નથી કર્યા અને આવા કર્મચારીઓ નોકરીમાંથી કાઢી મૂકતા પહેલા જ નોકરી છોડી દે છે. એક સૂત્રએ જણાવ્યું કે તેઓ દર મહિને આશરે રૂ. 100-150 કરોડની આવક રેકોર્ડ કરે છે, જેમાંથી રૂ. 40-50 કરોડનો નફો થયો છે. Ola Dash જેવા ખર્ચાળ વ્યવસાયને બંધ કરવાથી અને સ્ટાફના ખર્ચમાં ઘટાડો કરવાથી કંપનીના ઓપરેશનલ માર્જિનમાં વધારો થશે. અને જો કંપની IPOની દિશામાં આગળ વધે છે, તો તે તેમને નફો કમાતા વ્યવસાય તરીકે પણ બતાવશે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)