ક્યાં કરવું રોકાણ? PPF કે SIP? જાણો તમારા ભવિષ્ય માટે કયો વિકલ્પ છે શ્રેષ્ઠ?
PPF vs SIP: આપણે ઘણીવાર આપણા ભવિષ્યને ધ્યાનમાં રાખીને લાંબા ગાળાના રોકાણોની યોજના બનાવીએ છીએ. જો કે, આપણે ઘણીવાર ખાતરી નથી કરતા કે કયો વિકલ્પ વધુ ફાયદાકારક સાબિત થશે. તો ચાલો તમને તે શોધવામાં મદદ કરીએ.
PPF vs SIP: પોતાના ભવિષ્યની ચિંતા તો દરેકને હોય જ છે, એવામાં આ માટે આપણે રોકાણનો સહારો લઈએ છીએ. ખાસ કરીને નોકરીયાત લોકો, જેઓ 62 વર્ષ સુધી નોકરી કરે છે અને ત્યારબાદ તેમને પોતાની સેવિંગ્સથી જ કામ ચલાવવું પડે છે. આ માટે ઘણી રીતો હોય છે, પરંતુ સૌથી વધુ લોકો SIPમાં અથવા PPFમાં રોકાણ કરવાનું પસંદ કરે છે. જોકે ઘણીવાર આપણે બંનેમાં તફાવત નથી કરી શકતા કે લોન્ગ ટર્મ રોકાણ માટે શું વધુ સારું છે. તો આજે અમે તમને જણાવીએ કે તમારા માટે બંનેમાંથી કોને પસંદ કરવું ફાયદાકારક રહેશે.
પીપીએફ શું છે?
સૌથી પહેલા તો આપણા માટે એ જાણવું જરૂરી છે કે પીપીએફ શું છે? પીપીએફનું પૂરું નામ પબ્લિક પ્રોવિડન્ટ ફંડ છે. આ ભારત સરકારની એક લોકપ્રિય લોન્ગ ટર્મ બચત યોજના છે. PPF 15 વર્ષો માટે ટેક્સ ફ્રી રિટર્ન આપે છે. આ રિટાયરમેન્ટ પ્લાનિંગ માટે શ્રેષ્ઠ ઓપ્શન છે. PPF ભારત સરકારની યોજના છે, તો એવામાં આ એક સેફ બચત કે ઇન્વેસ્ટમેન્ટ પ્લાન છે.
SIP શું છે?
હવે SIP વિશે વાત કરીએ, SIPનું પૂરું નામ સિસ્ટમેટિક ઇન્વેસ્ટમેન્ટ પ્લાન છે. આ એક મ્યુચ્યુઅલ ફંડ છે આમાં લોકો વધુ રોકાણ કરવાનું પસંદ કરે છે. આ મ્યુચ્યુઅલ ફંડ શોર્ટ ટર્મ પણ હોઈ શકે છે અને લોન્ગ ટર્મ પણ હોઈ શકે છે. આમાં તમે દર મહિને એક નાની એવી રકમ રોકાણ કરો છો. આ પૂરી રીતે બજારના ઉતાર-ચઢાવ પર નિર્ભર કરે છે. આ ટેક્સ ફ્રી નથી હોતું અને જ્યારે આમાંથી આપણે પૈસા કાઢવા હોય ત્યારે માર્કેટ રેટ મુજબ જ આપણને વ્યાજના પૈસા મળે છે.
પીપીએફ vs એસઆઈપી
આ બંને જ લોન્ગ-ટર્મ રોકાણ માટે સારા ઓપ્શન્સ છે. પરંતુ પીપીએફ સરકારી યોજના છે એવામાં તેનું રિટર્ન નિશ્ચિત હોય છે. પીપીએફમાં તમને 7.1 ટકાના વ્યાજ દર મુજબ રિટર્ન મળશે. તો વળી એસઆઈપીનું રિટર્ન નિશ્ચિત નથી હોતું, આ હાઈ રિટર્ન પોલિસી હોય છે જે માર્કેટથી લિંક્ડ રહે છે. આમાં 10 ટકાથી 14 ટકા સુધી રિટર્ન મળે છે. જોકે પીપીએફમાં પૈસા સુરક્ષિત રહે છે પરંતુ એસઆઈપીમાં રિટર્ન સુરક્ષિત નથી રહેતું.
ટોપ સ્ટોરી
ટ્રેન્ડિંગ સમાચાર
