Offline Digital Transection: હવે ઇન્ટરનેટ વિના ઑફલાઇન ડિજિટલ ટ્રાન્ઝેક્શન થઈ શકશે, RBI એ આપી મંજૂરી

આરબીઆઈએ કહ્યું કે, ઑફલાઇન પેમેન્ટને કારણે નબળી ઇન્ટરનેટ કનેક્ટિવિટી ધરાવતા વિસ્તારોમાં, ખાસ કરીને ગામડાઓ અને નગરોમાં ડિજિટલ વ્યવહારોને પ્રોત્સાહન આપવા માટે આ સિસ્ટમ તાત્કાલિક અસરથી અમલમાં આવી છે.

પ્રતિકાત્મક તસવીર

Offline Digital Transection: ભારતીય રિઝર્વ બેંક (RBI) એ ગઈ કાલે એક નોટિફિકેશન બહાર પાડ્યું છે જેમાં ઑફલાઇન ડિજિટલ પેમેન્ટ્સ અંગે નવી જાહેરાત કરવામાં આવી છે. હવે ગામડાઓ અને શહેરોમાં ડિજિટલ ટ્રાન્ઝેક્શન ઑફલાઇન થઈ શકશે. હાલમાં, ઑફલાઇન ચુકવણી હેઠળ 200 રૂપિયા સુધીના વ્યવહારોને મંજૂરી આપવામાં આવી છે.

ડિજિટલ ઈન્ડિયા તરફ એક પગલું

RBIએ કહ્યું છે કે 200 રૂપિયાના મહત્તમ 10 વ્યવહારો એટલે કે કુલ 2000 રૂપિયા સુધી ઑફલાઇન (Offline Digital Transection) થઈ શકે છે. એવું માનવામાં આવે છે કે આનાથી ડિજિટલ પેમેન્ટને પ્રોત્સાહન મળશે અને ડિજિટલ ઈન્ડિયા તરફ આગળ વધવામાં મદદ મળશે.

પાયલોટ પ્રોજેક્ટના પરિણામોના આધારે નિર્ણય લેવાયો

ઓફલાઈન પેમેન્ટનો પ્રોજેકટ દેશના ઘણા ભાગોમાં શરૂ કરવામાં આવ્યો હતો અને લોકોની પ્રતિક્રિયાના આધારે નિર્ણય લેવામાં આવ્યો હતો કે ગામડાઓ અને શહેરોમાં ઓફલાઈન પેમેન્ટ મોડની જરૂરિયાત ઘણી વધારે છે અને ત્યાં નાની પેમેન્ટ માટે આવી સ્કીમ શરૂ કરવી. તે લોકોને અનુકૂળ રહેશે.

RBI releases Framework for Facilitating Small Value Digital Payments in Offline Modehttps://t.co/GfEeWXkBoZ

— ReserveBankOfIndia (@RBI) January 3, 2022

શું કહ્યું રિઝર્વ બેંકે

રિઝર્વ બેંકે કહ્યું છે કે ઑફલાઇન પેમેન્ટને કારણે નબળી ઇન્ટરનેટ કનેક્ટિવિટી ધરાવતા વિસ્તારોમાં, ખાસ કરીને ગામડાઓ અને નગરોમાં ડિજિટલ વ્યવહારોને પ્રોત્સાહન આપવા માટે આ સિસ્ટમ તાત્કાલિક અસરથી અમલમાં આવી છે.

 શું છે તેની વિશેષતા

ગ્રાહકોની પરવાનગી બાદ જ ઓફલાઈન પેમેન્ટનો ઉપયોગ કરી શકાશે.

આ પ્રકારના વ્યવહાર માટે 'એડિશન ફેક્ટર ઓફ ઓથેન્ટિકેશન (AFA)'ની જરૂર રહેશે નહીં.

પેમેન્ટ ઓફલાઈન હોવાને કારણે ગ્રાહકોને થોડા સમય પછી SMS અથવા ઈ-મેલ દ્વારા મેસેજ મળશે.